迴旋處

Kenneth Kwok
2 min readJul 25, 2017

--

「揸車」
當然唔係個個都識揸車,就算有啲識揸車都未必日日揸。但係只要你揸過車嘅話都應該一定會經過迴旋處,只不過香港真係有啲奇怪,事關香港有兩種迴旋處。你知唔知道香港有一種迴旋處佢就叫做傳統式嘅迴旋處而另一種就叫做螺旋形迴旋處。咁兩者有乜嘢分別?點解揸咗咁耐車嘅人都唔知點樣正確使用迴旋處?其實兩者都真係有少少唔同,不過好少人會留意。
「複雜」
點解香港嘅迴旋處都要搞到咁複雜?又傳統式,又螺旋形?傳統式迴旋處,沿內綫行駛嘅車輛,當離開迴旋處嘅時候,就必須先讓外綫行駛嘅車輛先行!至於螺旋形嘅迴旋處,沿外綫行駛嘅車輛,須先讓從內綫離開迴旋處嘅車輛!睇完係唔係仲未唔知道點樣先至叫做正確使用迴旋處呢?有時揸車去到個迴旋處都未必記得,所以最保險嘅方法係揸慢啲同要注意迴旋處入面嘅情況。
「使用」
係香港,入迴旋處嘅時候,係必須轉左!除非道路標記有其他指示,否則應該讓路俾迴旋處內從右方駛來的車輛,要係前路暢通無阻嘅時時候先至駛入迴旋處。如果路口有行人橫過或等候橫過馬路,駕駛人士係應該讓路俾行人。如果迴旋處嘅入口有兩條行車綫嘅話,除非有交通標誌同道路標記另作指示之外,否則係應該依循實綫所示嘅行車路綫向前行!

Originally published at Kenneth Kwok (郭嘉俊).

--

--

Kenneth Kwok

到處奔跑的香港人,畢業於澳洲麥覺理大學工商管理碩士,近年專注數據分析行業推廣同發展。曾從事平面設計,網站開發,企業管理及商業諮詢等工作。早於 2009年開始舉「香港數碼分析星期三」同「亞洲數碼分析高峰會」。於 2010 年創辦 Beehive Strategy ,為亞太地區不同企業提供數據分析服務。