放數據

Kenneth Kwok
Jan 4 · 2 min read

「開放」

開放數據係可以牽涉到好多層面,而要社會進步就要有效地將開放數據同其他類型嘅數據結合,咁樣就可以發揮到更大嘅經濟效益。政府擁有嘅數據係最應該開放俾公眾去使用,因為大環境嘅數據係好難去靠企業或者大眾去收集。好多數據例如醫療,交通,房屋,教育等等,其實都係好有用。至於係應用層面方面就好視乎分析數據嘅目的。不過最重要嘅就當然係開放咗啲數據出嚟先啦!

「數據」

今日有位朋友話我知電台講緊大數據,當然即刻開嚟聽下講的乜啦,原來佢哋今日邀請咗政府資訊科技總監林偉喬探討政府提出開放數據計劃。不過聽咗陣依然無講到重點就係點樣可以加快開放數據。講好多平民聽唔明嘅嘢,又唔知個市場做緊乜,要邁向真正的智慧城市?講就容易,而事實上如果政府自己都唔強制同加快開放數據,其實到最後都淨係得個講字!

「應用」

個個都係到講大數據,但係要有效咁利用數據就唔係咁容易,當然技術係可以加快分析嘅速度,只不過最重要嘅係點樣將啲數據統一咁儲存,而且有一個標準嘅框架同格式。當然市民未必知道點樣去分析數據,所以除咗政府要推動之外,更重要嘅係了解市民所關心嘅議題。政府可以透過唔同嘅計劃去推廣數據,甚至乎邀請唔同嘅企業同專才一齊去加快數據應用同普及性。


Kenneth Kwok

Written by

到處奔跑的香港人,畢業於澳洲麥覺理大學工商管理碩士,近年專注數據分析行業推廣同發展。曾從事平面設計,網站開發,企業管理及商業諮詢等工作。早於 2009年開始舉「香港數碼分析星期三」同「亞洲數碼分析高峰會」。於 2010 年創辦 Beehive Strategy ,為亞太地區不同企業提供數據分析服務。