ရူးသွားတဲ့ ခရစ်စတိုဖာနိုလန်။ ခရစ်ရှန်ဘေး နှင့် တွမ်ဟာဒီတို့တစ်သိုက်

နိုလန် မျတ်မှောက်ကျုတ်လျှက်ရှိသည်။ ရှက်စိတ်ကြောင့်တစ်ချက်ချက်တွန့်တတ်လာသော ညာဘက်နုတ်ခမ်းအား လက်ဖြင့်ဖိဖိချရတာလည်း အကြိမ်ကြိမ်။ ဂူးဂယ်လ်ဘာသာပြန် မှားတာဖြစ်မှာပါဟု လွန်ခဲ့သော ၂ရက်ခန့်က ပေါ့ပေါ့တန်တန် သဘောထားသောကိစ္စသည် ယခု တိုက်ရိုက်ကြီးဖြောင့်ဖြောင့်တန်းတန်း သူနှင့်သက်ဆိုင်လာပေပြီ။ သူတင်မဟုတ်။ တစ်တောင်သာသာ ကင်မရာတလုံးနှင့် စီဂျီအိုင်နိုင်နိုင်သုံးလေ့ရှိသော ကင်မရွန်း၊ စိတ်ကူးညာဏ်စွန်းမြင့်မားပြီးအရာရာသူ့လက်ထဲထည့်လိုပ်သည်နှင့် ကိုပိုင်သင်း ကြီးထွက်လာအောင် ပုံဖော်နိုင်သည်ဟုနာမည်ကြီးသော တင်ဘာတန်၊ လန်းစကေ့အသားပေးလွန်းတဲ့ တယ်ရန့်မဲလစ်။ ပင်လယ်ဓါးပြလောက်ကောင်ကို တကမ္ဘာလုံးက သည်းသည်းလှူပ်လာအောင်ဖန်တီးခဲ့တဲ့ ဂျိုးဘာဘင်စကီး၊ အနူအဝဲ၊အခြောက်၊အချစ်၊အကြမ်းအလွမ်းစွန့်စားခန်း အစုံရပါသည်ဆိုတဲ့မင်းသား တွမ်ဟန့်ခ်၊ အပျော့အမာဒရာမာရိုမန့်မှစ လိုရင်လိုသလို အတည်ကြီးကြည်နူးတတ်သော ဂျူလီယာရောဘက်၊ ရူးကြောင်ကြောင်တဖုံ အတည်အခန့်ကြီးတမျိူး သဏ္ဌာန်လုပ် သရုပ်တူလွန်းလှသော လီယိုနာဒို စုံလို့စုံလို့ ဟောလီးဝုဒ်တခွင် ရှဲခနဲမြည်အောင်ပင် အားလုံးကို စိတ်၀င်တစားဖမ်းစားနိုင်လွန်းသောသတင်း၊ ထိုသတင်းကို ဖတ်ရင်း နိုလန် မျတ်မှောက်ကျုတ်လျှက်ရှိသည်။ သူရိုက်သောရုပ်ရှင်များထဲကလို လက်ပတော့ ကို ဖက်ခနဲနေအောင်ပိတ်ပစ်လိုက်မိသည်။ ခေါင်းခါသည်၊ ရေခွက်ကိုလှန်းကိုင်မည်ပြုပြီးမှ သက်ပြင်းချသည်၊ နံရံကို အမှတ်မထင်ငေးမိသည်။ ထို့နောက် ရေခွက်ကိုကိုင်ကာ နေရာမှထသည်။ ၎င်းနောက် ခေါင်းခါပြီးပြန်ထိုင်ချမိသည်။ လက်ပတော့ လဒ်ကိုပြန်လှန်မိသည်။ ဒီတခါတော့ သူ၏ရုပ်ရှင်များထဲကလို စကရင်က အော်တိုတတ်မလာ။ ဘယ်ကမြင်းမသား လဒ်အောပရှင် ကို ပြောင်းထားလည်းမသိဘူး။ တိုးတိုးဆဲရေးရင်း စလိ ဖြစ်နေသော သူ၏ကွန်ပျူတာကို ပြန်ဖွင့်သည်။ စောစောပိုင်း က သတင်းကပြန်တတ်လာသည်။ ဘာတဲ့ ။။။။။ ခင်ဗျားတို့ကောင်ကြီးတွေခေါ်ပြီးလာရိုက်ကြည့်စမ်းပါ ရူးတောင်သွားဦးမယ်၊ ဂေါ်ဘလင်နဲ့ဒွန်အိုမာ စပ်ကြတဲ့ရုပ်နဲ့ မင်းသားဆိုသည့်အကောင်က ပြောထားသည်ကို သူ့တပည့်က ဘာသာပြန်ပေးထားခြင်းဖြစ်သည်။

One clap, two clap, three clap, forty?

By clapping more or less, you can signal to us which stories really stand out.