Bangbangboy

By Early Sol Gadong

Nanay ko, bayaan ta ikaw
Presohon ako karon nga adlaw
Ugaling kon ikaw hidlawon
Laragway ko imo lang lantawon

Nanay ko, kon imo bisitahon
Tani ako imo na patawaron
Ugaling kon ako imo nga akigan
Akon gid ikaw maintindihan

(Tsip, diin niyo ako pagadal-on?
Dali lang gid, luyag ko hambalon
Pagdroga, indi ko na pagliwaton
Kay nanay, lihog nga ipaalinton.)

Nanay ko, bayaan ta ikaw
Ang aspalto, tuman gid katugnaw
Nanay ko, kon ikaw hidlawon
Laragway ko imo lang lantawon.

(Tsip, anhon ko ang pusil nimo?
Indi ko kasarang magpalagyo
Tsip, diin ako makadto?
Maluoy ka, maluoy kamo.)

BANG!

Nanay ko, bayaan ta ikaw.

BANG! BANG!

)
    The Kill List Chronicles

    Written by

    The new protest literature in the time of Duterte. Because according to Umberto Eco, “To survive, we must tell stories.”