
上一篇文我提到唔好因為個人ego而去鳩叫挑釁,背後其實只係一樣野:自我檢討。
請大家記住,抗爭之前你首先係一個人,係人就會有缺點,係人就會犯錯。在無大台無領導既情況下,有好多好處,同時都帶來好多不受控既後果。個體既行為不受控,無一個領導去做規範,所以每個個體都應該要時時刻刻檢視自己,要去思忖自己每一個行為有可能會帶來咩影響,每一個行為既目的係啲乜野。人係要為自己既行為負上全部責任。唔可以每次一有人提出問題就淨係講句「算啦不分化不割蓆」,因為呢啲問題同時係影響緊成個抗爭既走勢,或如上文,有無人唔好彩被拉到。
有人提到打仗,咁我想講打仗要有策略既,做每一個行動都要有目的,每個行動都要去計算對我方同敵方既損害性,要點樣減低我方損害而攻擊到對方(然後你就會屌我點解唔畀策略你,呃),無諗清楚的話你諗下係咪真係要話自己打緊仗先,at least我唔覺匿係人群中鳩叫係part of打仗。
我留意到坊間一遇到任何批評/challenge行動的就會話係分化、割蓆。但其實就正正因為無人領導先要不斷有人提出問題所在,再等大家各自檢討。
吾日三省吾身,由幾時開始做人係唔需要自我檢討?
全部comment我都有睇晒,盡量回應,但覺得好難,要唔明就點講都唔明,即使我表明晒我意圖再打百鳩幾字去解釋你都係會話我:「分化」、「叫人番屋企乜都唔好做」、「念力抗爭算囉」,我唔係好明鳩叫個重要性在哪,去到你地覺得係需要「咁以後乜都唔好做囉,做乜都會被拉咖啦blahblah」(街坊都有好多野可以做囉,放哨係一個例子),同時我覺得呢種思維模式好危險,好似小朋友咁講兩句唔啱聽就撒野,而唔係首先去理解人地講乜再提出有意義既argument,comment係有一兩個做到呢步的,咁大家就可以討論落去而唔係鳩屌就算,有討論先有新既火花,先有新既內容出到黎(即使前線都有小組討論咖其實)。若不,好易變成接受唔到批評,唔識反思,然後淨係覺得提出問題既人就有問題。
我怕我地最後會因為咁而失敗。失敗原因非有人提出問題,而是在我地唔識自我檢討。
抗爭之前,你係一個人,一個個體,個體在群眾間依然有責任,你唔反思自己,最終都只會同之前一樣,咁我地無變過,我地只係識將一切責任賴落其他野上,5年前係賴大台,5年後係賴有人提出問題。
先自我檢討,追求自我成長,再去講回饋群眾。若然我地人人都有呢個意識,我相信我地係可以成功。
最後重申,我從來無撚諗過要割蓆,要割蓆我唔需要打咁多廢話,咁都被屌分化好撚傷心咖屌你。
(btw,我本身呢個page既宗旨同aim就係要講做人既野,就係要講大道理,要講自我檢討既野,所以我個page名叫做人好難囉,因為真係好難咖。所以要戰略云云,你去睇鄭立啦,鄭立好啱你,我畀左suggestion喇嗱。)
上一篇傳送門:
-
以下分享一篇幾inspiring既文:
抗爭進入新階段,慎防無責任體系泡沫爆破 by 逆嘶亭https://gnimmm.com/2019/08/05/growth_is_vital/
(佢其他文都幾好的,有時間睇下,多啲反思自己。)
-
follow me on facebook:
-
