(歐洲遊記 3— 捷克) 🚣Rafting in Český Krumlov

琴日去完遊客必到既地方,今日就係CK玩下啲特別啲既野啦。好多人黎呢到都係day trip多,所以網上既blogger 推介既地方我地都去得七七八八,反而想係到join下啲有趣既活動。 黎之前都有搵過下資料,原來ck雖然細細地,都有好多特別既行程 – 熱氣球、採礦體驗⋯而我地就決定去前兩日經常見到既rafting!
Ck入面其實都好易搵到有rafting program既Agency,我地就去左臨入小鎮個條橋出少少既一間鋪頭。入到去佢就比左catalogue我地睇,原來除左rafting 仲有kayaking玩。 入面既人就suggest我地呢啲新手都係玩下rafting吧啦😂。 rafting亦有好多條route可以揀 — 短至一兩個鐘、長至一日都有。唔洗講,我地就梗係揀左個易啲既試試去。揀好左比埋錢,佢就會有架車係agency門口車到你去starting point。一路搭架車,一路見到條河其實都幾長,心入面都淆左淆。畢竟都未試過,何況其實我地都係貪得意諗住兜個圈就算。搭左15分鐘左右終於落左車,去左個都同CK 鎮有段距離既地方。跟車既agency員工就會簡單咁講下點用個枝野,比堆救生衣同防水袋比我地擺野,跟手推架raft落河,就同我地say左bye-bye😂而我與同行友人就開始慢慢划番個鎮到。

因為本人都唔冇乜運動細胞,岩岩開始划既時候都划到錯哂方向。好彩個陣水流都唔係太急,亦到冇咩人係到划緊,所以最多都只係撞到側面啲草叢咁。但係划到咁上下就見到一group人,傾傾下知道佢地係local黎,仲帶哂camping既野,原來佢地係CK附近划到呢到,已經划左第二日…聽到呢到都幾羨慕佢地會咁去唔同cities玩😂。一路同佢地傾計,一路慢慢划到個'小水壩'(見下圖,我都唔係好知點叫佢)。是關係論你揀邊條rafting route你都一定要經過呢啲位,因為CK條河咁平靜,呢啲位就係令到係CK rafting咁adventurous既原因😂 係小水壩到會有兩條路可以揀 — 一條係闊啲(下圖見到起哂泡個邊)、同埋一條窄啲既通道(下圖比樹姐住左)。

agency 姐姐就千叮萬囑我地一定要揀係窄啲個條通道過,點知係我地到第一個小水壩時,窄啲個條通道封左,焗住要經闊啲個邊過。當我地都諗住睇個group local頭既時候,佢地竟然划左上岸,有啲仲除淨泳衣咁。原來係要上岸睇下個水流,預備過個個水壩。見到佢地咁認真,我地即刻淆哂底😂 班local見到我地咁就過左黎教我地應該要點過,跟住佢地咁就划左過去嚕。架raft跟住水流咁衝左落去,第一次rafting既我真係覺得好好玩好adventurous(雖然我知道其實係超小兒科😂)。過完之後架raft入哂水,而我地當然都係濕哂。
過完個個位,就到番啲平靜既河段,慢慢咁一路划一路睇下風景,都真係幾寫意。係架raft到望出去既CK同係陸地上望住既又係兩個感覺。就好似之前係Amsterdam咁,係canal同係地面上既景色又有唔一樣既感受。

划左個零兩個鐘終於到目的地,打番比agency既人佢地就會黎收走架raft。由於玩到濕哂既關係,都係番bnb沖沖個身先。由於前一日天氣都好差,難得今日天色好好,搞掂完之後我地就決定去番琴日既spot影下相。
行行下見到有間bar 做緊happy hour promotion 買一送一,就入左去坐坐。歐洲飲野真係好平,四杯cocktail除番都係~HKD35一杯。hea左陣就係附近行下影下相。

呢晚我地去左一間叫Papa’s Living Restaurant既餐廳dinner,由於太趕既關係都冇乜點影相。但呢間野真係值得推薦,坐得舒服,waiter好friendly,野食就更加唔洗講啦,下次再黎CK要慢慢係到食番餐!
至於點解咁趕,就係因為呢晚係係CK既最後一晚!而我地好想試一間叫我Dobrá čajovna 既tea room/shisha bar。 (佢收10點😂)我諗呢到亦都係CK入面唯一有shisha既地方,一入到去就聞到好大味,成個環境都好cozy。因為座位唔多,bar入面既位已經full哂,所以我地就去左出面既花園仔到。呢間tea room有好多唔同種類既茶,眼花撩亂所以都係叫左D簡簡單單既就算了。係最後一晚慢慢飲住茶傾下計真係好正,亦非常完滿咁完成左係CK呢四日三夜既旅程。

random snapshot 📱 👇🏻


