(歐洲遊記 4— 捷克) 重遊布拉格

有啲野真係第一次經歷既時候感受最深、係當時既感覺最好。再黎多次,感覺又未必一樣了。
完左係CK既行程之後,呢日朝早就搭車番Prague。同樣搭番studeny agency既巴士,去到Prague再settle down都已經晏就。係得半日既情況下,因為大部分景點都已經去過,加上同行友人今晚就會飛番香港,而兩年前都係同佢黎Prague,所以我地呢日諗住去番兩年前去過既地方。
我對Prague既印象都仲係停留係兩年前,當我第一次黎到既時候,真係非常鍾意呢個city。去之前已經對呢到有好大期望,去完亦冇令我失望 — 係天文鐘塔俯瞰舊城區、到城堡區望到成個城市、係Charles bridge上睇日落⋯⋯所有野都好浪漫。
搞點哂啲野就去左Charles Bridge,一去到附近已經見到人頭湧湧。行到橋頭,多人既程度係幾乎同旺角一樣,真係好。多。人。不過,好彩條橋都夠闊,除左行個陣辛苦少少,都仲有位係橋上望下風景影下相。但係感覺對比兩年前真係差好遠了。(又或者純粹因為個時第一次去😂)

經Charles Bridge由舊城區到城堡區,因為時間有限,我地就只係行左去John Lennon Wall。兩年前係到寫低'wish you were here',今年再黎當然就係唔見左,但係發現連比人畫野既筆都冇乜😂 本身水彩為主既牆,大部分都比graffiti cover哂嚕。
影下相就行左番去舊城區,係中央廣場hea左陣就去左食Trdelník! 即係係東歐國家都可以好易搵到既甜品。無錯,又係去留兩年前食個間😂 就係中央廣場對出,間野就係叫Trdelník。雖然明知係呃遊客既甜品,但真係幾好食。

對比第一次到Prague,今次再黎已經冇左當初既感動。(個時係真係好期待黎呢到😂)可能因為個時係第一次黎、又或者係自己美化過左去既事,相比下,自己冇第一次黎咁鍾意呢個city了。所以話,有時啲野真係由得佢係最美好個個stage完就好,好比自己可以永遠停留係當時個種感覺。不過重遊過去到訪過既地方時都幾感觸,兩年前仲係係大學玩到癲既undergrad,兩年後就已經係大學畢業了。兩年間身份上、心態上既轉變,令再來呢到更添意義。
送完朋友走後,係附近行下食下野就番左bnb訓嚕,因為第二日要飛去成個trip最期待既地方 — Dubrovnik!
呢個trip 都有用部菲林機影下相,但係部機有啲問題,好多好多light leak既情況出現😂
Minolta X700 🎞

random snapshot 📸👇🏻


