回頭一望

回頭一望,已經見唔到以前上網嘅自己。

脫離FB嘅介面,先發覺自己用社交媒體嘅習慣已經改變咗好多。以前會喺網上講多好多心底諗嘅嘢,而家都只係會評吓呢樣、講吓嗰樣、寫吓啲有內容嘅文;避吓重就吓輕,寫之前會再三諗吓邊個有機會睇到,會唔會令其他人有唔好嘅感受、其他人會點諗,諸如此類。所以講嘅都係外圍嘅嘢。

由手機講到雞尾酒 /由蕃茄講到北美洲 /笑我衝出口 多於足夠 /由巴哈講到將進酒 /由光纖講到于素秋

冇錯,呢啲叫成熟同長大。

到咗呢個年紀仲無病呻吟同懶係感性只會被人認為係幼稚;又或者冇錯,係真係幼稚。但係今日唔經大腦打呢篇無尼拉更嘅文,突然又有總懷緬嘅感覺呢。

One clap, two clap, three clap, forty?

By clapping more or less, you can signal to us which stories really stand out.