紀律

紀律,係現代社會,經常被認為是自由的反面,有紀律就冇自由。佛洛姆講得好,無野有紀律得過資本主義社會每日要八小時工作。但這種紀律,只有在「工作」的範疇之中,才可以規範人,於是人在工作以外,便尋求各種各樣的「自由」,要relax,講到底,係一種對生活八小時工作規律既消極反抗,根據佛洛姆既講法,係一種”infantile self-indulgence”,即係平時放假會訓到極晏,開動自毀模式暴飲暴食,官能刺激劈酒蒲吧娛樂至死咁。

要培養創造力或者愛人既能力,都需要紀律。例如寫文章,每日安排最有精力既30分鐘,每次寫100字,持之以恆三個月,就已經寫成一篇9000字既論文。越大越覺得,最難就係每日持之以恆咁,好集中精力精神咁去做一件事,寫文如是,聆聽家人愛人心事如是,因為資本主義社會既本質,就係唔想你係工作以外集中精神創造、培養愛人愛己洞察世事既能力。所以係咁既現代社會,能夠持續創造與創作、能夠真誠地愛自己以至身邊既人,係一件幾咁難能可貴既事。

佛洛姆本《愛的藝術》真係好睇,誠意推薦大家看,120頁,一個星期一定睇得完。

https://loong5.wordpress.com/2016/08/27/%E7%B4%80%E5%BE%8B/

Like what you read? Give 龍子維 a round of applause.

From a quick cheer to a standing ovation, clap to show how much you enjoyed this story.