عبد الظاهر و اشارة رابعه
سياسة X كورة
اولا مبروك للنادى الاهلى بفوزه بنهائى دورى أبطال افريقيا للمرة الثامنه و كان يوم جميل جدا للمصريين عامه و لجماهيرة بشكل خاص
موضعنا هنا ان بعد احراز الهدف التانى بواسطه الاعب احمد عبد الظاهر رفع الاربع صوابع الاردغانيه تعبيرا عن تضامنه مع مع طرف ضد الاخر فى الازمه السياسيه اللى بتعيشها البلاد فى الوقت الراهن
ودا مؤشر خطير جدا على تدخل السياسه فى الرياضه
و الموفروض ان كرة القدم كلعبه رياضيه و ليها جمهورها انها تجمع الناس و تفرحهم مش تكون طرف فى صراع سياسى
و اللى بيحصل دا محاوله لتوريط المدرجات فى الصراع السياسيه زى ما نجح الاخوان للاسف فى نشر الفوضى و توريط الجامعات فى الصراع السياسى وهيا فى غنا عنه
و مثلا عمرنا ما شفنا فى الدورى الانجليزى و هو اشهر دورى فى العالم و جمهورة بمئات الملايين ان احد اللاعبين عبر عن رأيه السياسى فى الملعب او انحاز لطرف سياسى ضد اخر
ولو حتى حدث ذلك فيه عقوبات ضد من يستخدم السياسه داخل الملاعب
و محدش فكيك يخلط بين الحادث و بين انه دا يعتبر تعبير عن رأى و حريه تعبير
فيه فرق بين حريه التعبير و انك تتلتزم بضوابط العمل
Email me when ENG MOHAMED NABIL publishes or recommends stories