做廣告,要睇多啲廣告,但唔可以剩係睇廣告。
Aug 31, 2018 · 1 min read

做廣告,要睇多啲廣告,但唔可以剩係睇廣告。
點解要睇多啲廣告?除咗可以從好廣告中取經,了解何謂令人有共鳴嘅文案、賞心悅目嘅美術之外,亦可以了解做廣告嘅趨勢,更重要嘅,係可以避免重複 — 需知道,風箏撞紙鳶式撞橋真係好易發生,睇多啲廣告,就可避免雷同,減少被指控抄襲嘅機會。
咁點解唔可以剩係睇廣告?若果一味只係睇行家作品,塘水滾塘魚,點可能孕育出新意?事實上,做廣告做得出色嘅人,通常都好奇心旺盛、涉獵廣泛,睇書、睇電影、睇話劇、睇展覽⋯⋯總之乜都睇,度度汲收養份,因為觸類旁通,先容易迸發出前所未有嘅創意。
想搵多啲創作靈感,最緊要,都係自己夠主動,識得周圍搵嘢嚟睇。
— — — — — — — — —
若果你喜歡我這篇文章,可以按下方的 Like Button 五次,讓我化讚為賞,感謝!
