本年最強盛事 — 香港首個網紅比賽

本年度最強盛事 — 香港網紅選舉 Hong Kong KOL Awards 2018，現正招募全港網紅參加。Lun 完資料，小編都想玩埋一份，因為真係好吸引呀：

一、評審 — 呢個 awards 夠晒認真，除咗會喺會展舉行決賽同頒獎禮外，仲搵嚟10位專業評審選出各獎項得主，位位都極具份量，知名度最低嘅已經係項明生同查小欣！估唔到小欣姐喺爆足一周後蟄伏多年，終於出手染指KOL界！

二、獎項 — 呢個awards 共設有10個不同界別嘅最佳網紅大獎、最佳男、女網紅大獎同最佳新人獎，仲設有最好笑、最真心同最大膽網紅等特別獎，即係座底已經有43個獎！主辦單位見香港KOL人才輩出，所以效法新城派獎，真係相當慷慨呀。不過小編建議，最大膽網紅獎最好加上警告字眼，叫人唔好食電鑽粟米或爬上火車頂直播，以免發生危險 ⋯

三、對手 — 諗得玩呢個Awards，當然要知己知彼，了解下對手乜頭乜路。小編喺 facebook 搜尋參賽指定 hashtag 刺探敵情，發現高手如雲，一眾女神BB、燈影肥牛男神、親子 KOL 同卸妝達人強勢列陣，位位質素都媲美 Producer 101 同全民造星參加者，強敵當前，真係好難脫穎而出呀😢

要樣有樣，要腿有腿，要肉有肉呀

四、獎品 — 嗱嗱嗱，呢樣係最吸引小編參加嘅地方，得獎者唔只可獲名師造型拍攝，仲有免費網紅培訓課程 — 小編最近一直為點樣增加 page like 而煩惱，唔知係咪會過返幾招畀我？另外，仲有埋微電影合約、KOOL 直播合約、一年免費Studio 場地提供，一直想轉戰幕前嘅小編，真係見到都濕晒呀🤤

睇到咁多獎品，真係好想玩呢？

唔講咁多，等小編立即落返個 tag 參賽先！

#HKKOLA2018

*** *** ***

若果你喜歡我這篇文章，可以按下方的 Like Button 五次，讓我化讚為賞，感謝！