Bel Lebnene

L fekra 2inno yen3amal blog bil Lebnene byettara2 la mawadee3 me5telfe, wo metnaw3a. L 2osloob li 7a yettaba3 7a ykoon sahel wo baseet, bidoon tari2a m3ayyane lal kitebe. La2anno hal mashroo3 7a ykoon bideyet 2i5tibar lal legha l Lebneniye l maktoobe.

Metel ma bi2ool Nassim Taleb “ma fi sha3eb bala legha.” Fa l fekra 2inno yballish yen3amal shi la yetsallat l daw 3ala l legha l me7kiye, ta yballish yetrakkab mafeheem jdide kermeil l legha tettawwar metel ma sar bil Terki.

Hal shaghle ma la7 tkoon sahle 2abadan. Wo 7a te5od wa2et ktir la yballish l neis yet3awaddo 3a 2este3meil l Lebnene ka legha, badal l 3araby. La2anno l leghat 2e5erta btettawar, wo hiye bitari2a 2aw bi 2u5ra bet3abbir 3an 2afkar l neis, mafehimon, 2edrakeiton wo ma7susiyeton.

L Lebneniye ma byesta3milo l Faransi wo l 2inglizi la2anno bas baddon yshufu 7alon — wo 2ejmelan heik bifakro l neis. L Lebneniye byen7azo la gheir leghat la2anno ma 3andon legha maktoobe bet3abbir 3an l identity taba3on. Hay l identity li 3adatan betkoon mertebta bi hawiyye diniye 2aw 2awmiye, bte5la2 share5 wesi3 bein l legha l me7kiye wo l legha l maktoobe. Men shein heik, bisir fi metel legha 3ulwiye, bten3ata 3atool sifa rasmiye, wo btesta3mal bel jarayid wo l majalleit. Bel mo2abil, l legha l me7kiye to3tabar legha duniye, manna kefye 2aw mo2ahhale la tette5ad jaddiyan.

Tool ma 7a ydal fi hal fare2 l kbir bein l 3arby wo l Lebnene, mesh 7a ye2dar l Lebneniye y3abro 3an 7alon bitari2a mori7a.

2ijit fikret hal blog ka tari2a 3amaliye la tef3eel l legha Lebneniye, ba3idan 3an l tenzeer l ba7et, li 3adatan bye3la2 bi jadal lal difei3 3an 2akfar siyesiye ma7da. Ba3idan 3an kel hal ni2asheit, 2iza ballashna n2antij bel legha 3ala sa3id 3am — la2anno 3ala sa3id 5as 2aghlabiyet l shabeib byesta3mlo hal legha la yeketbo la ba3ed — yimkin heik menballish nfa3il l Lebnene ka legha maktoobe tosta3mal bi kil l 2as3ide.

Ma2al bi2alam Ahmad Osman

Yula7az hayda l shi bil tighyeer li 3am tesh-hado jaridet l Nahar masalan. La yesta2tbo 3adad 2abkar men l neis, 5susatan l shabeib, 3amalo 2esem bil 2inglizi. La hayda l sabab kamein, ktir men l blogs l Lebneniye la2o najei7, la2anno keino yeketbo 3an mawadi3 me5telfe bet5os l balad wo l 3alam bas kamein bel 2inglizi. Kel hal 2amseil betdel 2inno hal mashkal mesh ra7 yen7al bisohoole. Lmashkal mish bi ti3leem l 3araby bas. L3araby battal ye3jeb l shabeib la2anno l legha ma ttawarit ma3 l wa2et.

Men hal montala2, hal blog 7a y7awil yi5tibir kif l Lebnene momkin yesta3mal ka legha maktoobe, 2aribe 3a 2a7asees wo 2afkar, wo te3beer l neis.