Namuong Bato sa Apdo o Gallstones — Narito ang Natural at Mas Ligtas na Paraan Upang Matanggal Ang mga Ito!

Ngayon ay isisiwalat ng artikulong ito ang “sikreto” ng natural na pamamaraan upang mailabas ang mga bato sa iyong apdo nang di na kailangang dumaan sa masakit at magastos na paraan ng pag-oopera para tanggalin ang isang parte ng iyong katawan o organo tulad ng iyong apdo. Ito ay mas ligtas at natural na pamamaraan. Ang ilan na sumubok sa pamamaraan na ito ay may karagdagang benepisyong naramdaman tulad ng pagbabawas ng sobrang timbang at nailabas sa katawan ang ilang matatagal nang dumi sa loob ng tiyan at bituka (cleansing), at diumano ay may naramdamang karagdagang lakas sa katawan matapos gawin ang pamamaraan na ito. Higit sa lahat, may ilan na nakasubok nito na ini-iskedyul na ng doktor para operahan, ay nagpasalamat, na hindi na natuloy ang operasyon upang tanggalin ang naimpeksiyon na apdo, dulot ng nanuong mga bato sa loob nito. Ang panggagamot na ito ay nagagawa lang ng isang araw (24 oras). Ang importanteng paalaala, ay ikondisyon ang katawan at utak na walang dapat kakainin na kahit na anong makain, at wala ring iinumin sa buong maghapon at magdamag habang isinasagawa ang panglunas na ito. Narito ang mga hakbang na gagawin:

1. Paggising sa umaga, wala kang dapat kakainin o inumin kahit na tubig. Pagka- alas 6:00 ng umaga, uminom ng isang baso na katas ng mansanas (apple juice). May nabibili sa mga tindahan na purong apple juice o pwede ring pigain ang preskong bunga ng mansanas (gagamit ng juicer) hanggang mapuno ang isang baso ng katas nito.
2. Alas 9:00 ng umaga, iinom ulit ng isang baso ng katas ng mansanas
3. Pagka-alas 12:00 ng tanghali, iinom ulit ng isang baso ng katas ng mansanas
4. Alas 2:00 ng hapon ay iinom ulit ng isang baso ng katas ng mansanas. Tiisin lang kung makakramdam ng gutom . Huwag masyadong gumalaw-galaw sa araw na iyon. Puwedeng hihiga lang o uupo-upo lang at magpahinga o manood ng telebisyon para malibang.
5. Bago mag-alas 6:00 ng hapon ay ihanda ang isang kutsara ng epsom salt, at ihalo sa isang tasa ng mainit na tubig. Nabibili ang Epsom salt sa mga malalaking botika. Haluin ito ng mabuti gamit ang kutsara hanggang matunaw ang Epsom salt sa tubig. Pagka-alas 6:00 ng hapon ay tamang-tama na kaya mo na ang init ng tubig na may Epsom salt, at inumin agad ito.
6. Pagkatapos ay ihanda ang isang tasa na katas ng lemon o puwede ring katas ng calamansi; at saka isang tasa na purong langis ng olibo (extra virgin olive oil). Nabibili ito sa mga tindahang nagbebenta ng mga pang-dayuhang produkto. Paghaluin ng mabuti ang dalawang sangkap. Pagka alas 7:00 ng gabi, magsimulang inumin ang pinaghalong sangkap. Puwedeng isahan lang pag-inom o puwede ring unti-untiin pero kailangang maubos iyon ng isang oras hanggang alas 8:00 ng gabi. Pag maubos inumin ang pinaghalong sangkap, agad na mahiga sa iyong komportableng higaan ng nakatagilid na posisyon na nasa ilalim ang kanang bahagi ng iyong katawan. Maghintay, at dapat ay nakahanda na ang iyong paglalagyan ng iyong dumi upang Makita ang lalabas na mga bato sa iyong pantog. Maya-maya ay nakakaramdam na ang ilan na sila ay gustong magbawas. Ang ilan naman ay kinabukasan na sila makakaramdam na gusto silang magbawas. Tiisin lang ang gutom na mararamdaman ng hindi makakakain sa loob ng isang araw. Konting sakripisyo lang ang kailangan kumpara sa masakit at delikadong operasyon na pamamaraan. Kinabukasan ay makakaramdam ka na ng ginhawa at nagbunga na ang iyong pagsasakripisyo ng iyong gutom, pag lalabas na ang mga bato sa iyong apdo, at iba pang maiitim na dumi na nagiging sanhi ng ibat-ibang karamdaman, at sobrang timbang. Pagkatapos ay puwede ka ng makakain sa wakas, pero dapat kaunti muna, at yung pagkain na madaling tunawin gaya ng lugaw o oatmeal, upang hindi mabigla ang iyong sikmura. Makakaramdam ka na nagkaroon ka ng karagdagang lakas, at liliit pang iyong tiyan. Higit sa lahat, maiiwasan mo ang masakit na operasyon sa apdo, bagkus ay nasolusyunan ang iyong problema sa natural na paraan.