بعد ما اتخرجت

بعد ما اتخرجت حصلت حاجات كتيره جدا فى حياتى فعليا مش عارف ابدا منين لكن فعلا مش قادر اتخيل حياتى ازاى اتغيرت بالشكل ده

اصحابى معظمهم سابوا البلد بسبب الاحباط المستمر و العيشه المستحيله الى احنا عايشينها انهارده و كل حاجه بقت مستحيله حاجه بقت صعبه جدا مش عارف هل احنا بلد محتاجه المواهب العظيمه ديه تفضل جوه البلد و لا خروجهم احسن لاننا هنخليهم فشله لو قعدوا مش عارف

المهم التغيير كان غريب و كبير جدا ناس كتير جدا و انا صغير كنت ببصلهم دايما ان الناس ديه احسن منى و اقوى منى ممكن يكون فى احساس بالغيره منهم انهارده شايف الناس ديه كلها فشلت على رغم ان عندهم كل الظروف و الحاجات الى محتاجينها للنجاح لكن فجاءه لقيت الى جرى ورا بنت او جرى ورا شويه صحاب سوء ضيعوه لكن ماكنتش اتوقع انى اشوف الناس ديه كده

الناس ديه كنت دايما بتخيل انهم هينجحوا هيكونوا احسن منى ميت مره

فى نفس الوقت خدت بالى من كميه البنات الى قلعت الحجاب بنات كانوامش بيسلموا و كانوا متذمتين جدا و متدينين جدا الى فجاءه لقيتها قلعت الحجاب و عايشه مع صاحبها او الى قلعت الحجاب و سابت البلد و سابت اهلها

انا مش ضد التغيير او ممكن تقولوا انا مش نبى يعنى علشان اشوف مستقبل كل بنى ادم لكن انا فعلا اتعلمت درس قوى جدا من الى بيحصل … انا صح

ايوه انا صح لما بؤمن بقدرات انسان فاشل

انا صح لما بشوف واحد علق ممكن يكون حاجه فى يوم من الايام انا عارف كويس جدا ان فى ناس ممكن تقولى لا ماحدش يستاهل الوقت صح انا بطلت اساعد حد بسبب ده

لكن مع كل تغيير بشوفه قدامى حلو او وحش بقول كلمه واحده كل واحد من الناس الى حواليا عندهم كتير اوى يعملوه فى السنين الى جايه و انا منتظر تغيير كل واحد و قصص كل واحد بكل حماس