催眠，記憶，潛意識@Mindflowjournal
人係世界上唯一可以接受暗示嘅存在物。
好多朋友喜歡電影導演Christopher Nolan嘅《Inception》, 相信網上大量電影分析都講解過電影核心框架其實係探討記憶同潛意識，而催眠就係一個連接人潛意識嘅過程。其實平時我地睇廣告時都不自覺接受左催眠，不過係喺顯意識中進行，而非潛意識。
要講催眠，先略略講下有關潛意識係咩。
人嘅精神可簡分為「顯意識」同「潛意識 」。「顯意識」支配人類思想大約12%，係我地賴以面對世界嘅運作中心，例如人出生便懂吃奶，長大曉得行走，相等於佛教講嘅五蘊。而「潛意識 」，根據你都可能聽過嘅冰山理論，則支配我地其餘88%思想。潛意識裏，尤其喺童年時期，人嘅接收能力較強，當有相關情況出現時 ，潛意識先不知不覺被促發釋放出來。
咁「潛意識 」作用係咩呢？
「潛意識 」作用在控制人類嘅記憶同情感。因為除左物理上，記憶同情感構成左我地嘅核心，「潛意識 」對於我地潛在力量可以話係無限大。
催眠治療，係心理治療嘅一種。喺受者願意前提下，催眠治療師與受者精神保持聯繫，通過語言將被催眠者引導至潛意識開放狀態，將可以幫助受者達成改變嘅觀念植入於佢潛意識之中，以幫助受者改變行為習慣、解決潛藏心理問題為目的。過程中催眠治療師會先令受者進入非睡非昏迷嘅催眠狀態，呢個時候腦會發出Alpha波，意識逐漸走向糢糊，比平常更易接受暗示。
因為催眠治療其中一項關鍵係涉及記憶，人嘅記憶系統現今科學可以話仲係一個謎，我地現在對於記憶嘅了解只是冰山一角。
實際上，記憶係被創造、被構建出來的，由人對世界嘅有認知（包括各種主觀的、偏見的、具有個人色彩的傾向、喜好等）經驗、圖示來進行選擇、過濾、編程同處理。人每次回憶喚起往事時都可能一定程度上將記憶改寫，然後再將改寫嘅記憶存儲。催眠治療只係一種憑藉探索人們內心深處一些細枝末節，對他們進行引導或者暗示，從而達到治療嘅一種方法。
有好多人有同一個迷思：認為本身個性好堅強，邏輯性高，唔易進入催眠狀態，其實容易進入催眠狀況嘅人反而智商較高，想像力豐富，更容易放鬆自己，易於接受新鮮事物同適應環境。
人生原本就係苦多於樂，每人每日有各自嘅苦惱，金錢，夢想，伴侶，人際關係，Social Media表面好似好快樂嘅人，你會唔會好天真咁去全部相信？睇星爺做喜劇，研究佢訪問佢本身都係一個悲劇人物。靈性學上點解成日都講到擺脫我地固有思想，覺察我地意識，因為真相往往令人沮喪。
佛洛伊德話過: 一個人係經由遺忘不快樂嘅記憶而自我防衛。
我地面對自己過去係為了向前看，我地擁抱自身缺陷係為了學會自愛，我地面對痛苦係為了從中解脫。沒有記憶，我地無法理解自己、理解我們嘅人生，我們甚至都唔知道自己係邊個。然而記憶係咁唔可靠，我地可以憑藉以生存嘅只有對自己嘅信念。催眠治療唔可以好似《無痛失戀》咁永遠銷除或者創造虛假記憶，佢只可以令你對記憶或者發生過嘅經歷更加確信，重新得到意義，從而改變你嘅行為。
人腦入面，負責記憶係大腦邊緣嘅海馬體。大腦邊緣與丘腦下部管情感與各種慾望。所謂記憶，就係將資訊儲存在神經網路系統之中。所以需要學習或記憶時，非得有新神經網路喺腦部形成不可。為左適應環境，後天嘅學習比先天嘅能力更大。所以可以改變自己只有你嘅思想同信念。
除左繼續做老本行廣告拍片所有影像製作，今年開始投入學習方向鎖定係心理學，靈性探求仲有就係催眠治療。終於實實在在下年一月上催眠治療課程。老師Karman一直有做網台同開班，有興趣嘅朋友可以Search一下《深靈對話》。
#身心靈 #內在小孩 #催眠 #hypnosis #mindovermatter #mindflowjournal #love #zen #hope#lifequote #quote #higherself #osho
