HIM Khiltay phool tou qabool, ye jhartay gulab se taluqi kyun apna bethi hain aap, if I may ask? HER There’s beauty in sadness, don’t you think? HIM Shayad. Shaiyari mein, shayad. Afsanon mein, shayad. Tasaveer mein, shayad. Roz-marrah zindagi mein? Maybe not. …

HER “Na jaane kis liye umeed var baitha huun Ik aisi raah pe jo teri raahguzar bhi nahi” - Faiz Ahmed Faiz HIM Teri raahguzar dhoond lete tou bhatak jaate hum shayad Ab bhatak bhatak ke khud ko dhoond le ge hum HER Original? HIM Jee. Always! HER Love it! …

Lamhon talay Baba chup saaz sou gaya Aagosh se mehrum, mein tanha ho gaya Yaad na ayi wo miskeen muskurahat Jabar laga tou ye ke apna aqs kho gaya

Tumhe mene kabhi tarpaya hoga Bhool ke tou sahi, jaan ke bhi sataya hoga Raza thi meri tumhe dukh dard de duun Apna dil halkaa ke, tumhe tou rulaya hoga Dekh kar tumhe sulag jaata huun mein Ishq ke badlay tumhe jo sulgaya hoga Bhool ke tou sahi, jaan ke hee sataya hoga Aaj nahi tou kal, wo din yaad aya hoga Meri bay dard alvida ne tumhe dard mein jab dubaya hoga Iraaday naik sahi, bud kirdari ne saath nibhaya hoga Bhool ke tou sahi, jaan ke tumhe thukraya hoga Thukra kar tumhe khud ko hee bikhraya hoga Dhool na sahi, raakh mein garq paya hoga

Sehra mein khuab kyun dhoondti ho, toofan khaak o vabaad mein jo bikhar jaatay hain. Jungle mein khuab kyun dhoondti ho, baarish mein ye beh jaatay hain. Behr e Uqyanuus mein khudara mat dhoondna, toofan baad o baaran mein jahan doob jaatay hain. Aray khait mein na dhoondo, wahan tou keeray kha jaatay hain. Meri jaan e jahan, khuab mat dhoondo yahan, ye kainaat khuabon ki rakhwali nahi.

Darya hain sou, humien jaana hai paar Chor gaye sab ko, tou phir gaye haar

Jo hum soch tol ke qaul dharte rahe Mehez khayalaat mein phool khilte rahe, muun seetay rahe Wo hum se duur hotay chalay Ajnabi thay, ajnabi rahe ************************************** Aatay ho, tou phir chalay jaatay ho Kuch lafz hon aise, hamaray labon pe chor jaatay ho ************************************* Aur phir tum bhi…

Sanjeedgi se daanto, Taakay sirf daant hee lagay, acha na lagay *********************************** Na idhar na udhar, uljhay se kyun ho Boltay ho kuch, kartay kuch kyun ho Iss kahi unkahi mein hai tehrao na yaqeen Baat ki gehrayi se bhala dartay tum kyun ho ********************************** Anjaan ho, ajnabi ho Dil ke, shayad, yuhin itne qareeb ho *********************************** Ye rishta hai tou anokha Bin bulaya mehmaan tha jo hogaya apna

Dil mein jo gud guddi mehsoos karte ho Bharkata koi aur hai, sulghata koi aur hai ************************************ Khoon khol raha hai creativity se Dil jo ro raha hai mausam ki khushki se ************************************ Husn waalon ko kaho, kalaam walay agaye hain Chalo aagay barho, hamaray ja nasheen arahay hain ************************************* Dil ki chaabi dene se ghabraati kyun ho Duplicate bun walo, aur aik uss ko bhi de di jiyo