一個Pokemon Go改變人的生活

要數近日最hit,一定係Pokemon Go,無論係打開Facebook、睇新聞,定行出街,都係講緊邊度有得收精靈,邊隻野CP值高d。Pokemon Go可以話係取得空前成功,仲完全改變左人既生活。


而家行出街,必定見到所有人都望住手機,無懼炎熱天氣聚集係一個地方收精靈。無論任何職業,都必定被Pokemon Go吸引住,有老師公然係課室收精靈,有電子公司係遊戲推出當日就放員工半日假專心出去玩,亦有的士司機揸住車收精靈,其實極度危險。

不過,今朝睇新聞,外國有自閉症兒童因為玩Pokemon Go而病情好轉;香港好多地方都會見到好多local聚集係同一個地方,就算三唔識七都可能會同隔離個個吹兩句水,覺得香港人突然團結左,warm左咁;而亦有好多人因為呢個game而多左共同話題,不論朋友定同事,仲有最benefit梗係父母啦,因為個遊戲而促進親子關係。

Pokemon Go更加帶來商機,針對遊戲要用好多data,各大電訊商馬上推出相關數據計劃;Uber都食住個勢推出捉精靈換free ride既scheme,吸引玩家消費。

究竟Pokemon Go點解會咁成功呢?

  • 童年回憶

Pokemon Go玩家唔再好似普通game咁,只局限係年輕人,就連叫你唔好成日打機既母親大人都玩緊,簡直係男女老幼都岩,就係因為呢個簡直係大家既集體童年回憶。睇左卡通片咁耐,終於可以做到訓練員,完全代入角色。

  • 高mobility

Pokemon Go同其他game最唔同既地方係,佢連左google map,仲要玩家周街去捉精靈,去既地方越廣,收集到既精靈就越多,或者可以捉到罕有既精靈。更有趣既係,佢要用你既camera黎影相,隨時係廁所度捉比卡超,係老闆個頭度捉大岩蛇,即刻兜頭掟過去,乜仇都報晒啦!

  • 推出時間合時

打機最好係幾時?梗係放緊假既時候啦!Pokemon Go正正就係7月尾連幼稚園都放緊暑假既時候推出香港版,學生冇晒番學既壓力,唔洗擔心玩到唔知醒番學;連老師都可以盡情咁玩唔洗理學校既野,真係開心晒!(補課個d另計啦😂)

但係玩還玩,大家都要注意安全 (好少話打機要注意安全),但真心玩Pokemon Go真係要睇路,同埋小心唔好撞到人,揸車既更加要注意,唔好淨係掛住玩呀!

More Than Nothing – 兩名女生空口說白話的地方,如果你有想法,也可以留言分享,一齊交流 :)