之前去working holiday個年白白交左3千幾蚊電話費，臨走之前其實有問過CXL有冇得轉plan，遲啲返黎香港先resume返本身個約，咁啲sale屎梗係答我唔得啦，結果就係要「專重合約精神」繼續比錢囉⋯⋯輾轉繼續用左一段時間，直到舊年就完約，發現轉儲值卡可以每月幾十蚊就keep到number加埋data上網，完全諗唔到有咩必要比電訊商綁死又長期又貴嘅上台plan！成功脫離魔掌，用左1年想同大家分享一下：
(非會員可按此繼續閱讀)
上台時期
由於本身個plan data用量唔夠，我個陣都有加一張百幾蚊100GB既365日期限既太空卡（即係街邊檔買個啲「年卡」）用黎上網，插雙卡咁用（thanks to iPhone 11終於有雙卡），其實都冇咩唔方便，已經好過join啲好貴既無限上網plan，或者每個月加錢買data，FYI我每個月用量大概係10–15GB左右。
轉儲值咭既turning point
多謝連登巴打「春香閣下」既懶人包，知道左一啲可以攜號轉台用既儲值咭，一年最低消費都唔使$100。我最後揀左3既「國際萬能卡」（俗稱「3萬」），頭一年$90包8+4GB數據，但張卡並唔係去3門市開，而係要去一間叫「手提電話直銷中心」既商戶，填form轉台，再自己開卡同增值買plan（一年後既今日已經有啲儲值咭直頭可以自己網上搞攜號轉台，更加方便）。係有啲麻煩，但1年可以慳至少$1000，我又咁憎綁合約，完全諗唔到唔去搞既理由。
轉左儲值咭初期我都係用返本身用開張年卡上網，我唔睇片對網速要求唔係好高，不過張卡幾個月後玩完，想買新卡之際留意到個陣3同百佳出左張SoSIM，$33/50GB 42Mbps/30日（依家有60GB），我就肯定用唔晒，雖然貴過買年卡但唔使就住用data，數據多左又速度快左就試試佢。以結論黎睇，3萬加SoSIM已經好夠玩，仲有多個電話號碼用添！而且依家SoSIM都有得攜號轉台，正正就係用app已經申請到，超方便，已經介紹左比同事用。仲有一點，SoSIM最抵個plan係$88/120GB for 90日，唔係經常要share hotspot既話應該夠用有突，所以依家其實單卡用SoSIM已經搞掂！
儲值咭優缺點
優點：抵用（平，數據多）、彈性選擇（無合約隨時轉台）、可用作過冷河
