上集由申請簽證、PN問題，再講到搵屋呢啲基本野，但所有人最關心既其實係搵工。
Q6, 點樣搵工？
呢個問題我相信都係最多人想知，唔識人但想係係瑞典(aka斯德哥爾摩)搵工真係好難，雖然好難但都比我搵到，諗返其實都幾有成功感。記得我當時搵工都無從入手，睇過唔同搵工網職位空缺都好少，而且好多都要求要識瑞典文，直到有一日係Facebook一個expat group見到有人問唔識瑞典文搵工係咪好難，有人好好心咁suggest可以試下send cv去我之前做個間快餐店，就係咁我終於搵到工，諗返都好多謝個個人！(雖然最後搵唔返個個post)
而依家過左開荒期，其實搵工反而易左，只要你識到已經黎左呢邊WH既人，都唔難見到有人會放啲工出黎，最常見就係個個人唔做所以有空缺，或者佢老細想請人。另外都有啲人係向中國人租屋，然後房東幫手介紹佢搵工。不過，人地介紹既工我覺得有好有唔好，當人地連工都幫你搵埋既時候，我硬係覺得做落覺得唔啱做都唔係咁好意思辭職……
Q7, 人工點計？
初初以為瑞典有最低工資，因為如果係google search “mimimum wage in Sweden”之類既字眼，佢係會彈個11XSEK既數字出黎，真正返工接觸多左之後先知原來嗰個數只係「僅供參考」。中餐館洗碗一星期返6日，每日10個鐘，稅前人工可以得18000SEK，完全痴撚線；之後我有聽過有人係搵90–120SEK時薪，所謂最低工資只係視乎個間公司有冇同所屬行業公會簽agreement保障員工。另外，以港孩返飲食業既經驗，每日得半個鐘meal break不單止係unpaid，而且公司仲會扣飯錢，你就算唔食都會係出糧前扣埋，公司方面話呢個係瑞典法例規定做法，但唔我都有聽過有人話佢公司冇收飯錢。
Q8, 瑞典消費係咪好貴？
黎到北歐，第一件事要習慣貴係正常，以下會舉下幾個例子，去starbucks買杯latte 45SEK，買個牛角包35SEK，三文治大概70SEK，沙律85SEK；食個lunch 100–150SEK(亞洲野都有啲85SEK既)，食個dinner閒閒地200–300SEK，飲酒另計；去超市買生果，蘋果細細個都要5SEK，香蕉大概3SEK一條，1pack提子25–30SEK，檸檬/奇異果15SEK兩個，其他生果我唔買所以唔知啦。
不過，想慳錢都唔係完全冇方法既，登記超市會員，捕實超市減價或者專買就到期既新鮮食材是常識吧，日日自己煮兩餐，加上係公司食，其實每個月伙食費都係1000SEK鬆啲。當然，營養充唔充足又係另一回事，咁人在異鄉係冇係屋企飯來張口咁爽皮架啦大佬，食得飽肚已就算。
延伸閱讀：瑞典工作假期攻略：登記超市會員
Q9, 瑞典識朋友難唔難？
其實呢港孩就好摺既，頭兩個月未搵到工個時真係幾乎乜人都唔識，個陣又未知有個TG…
