Con Amore

Nayanathara
Jun 19 · 2 min read

“ආන්‍යා, දැක්කද? අර…..අර ඈත! තරුවක් කඩන් වැටෙනවා.”

“උල්කාපාතයක්

විශ්වයේ කොහේ හරි තැනකින් එන අපි නොදන්න මූලද්‍රව්‍ය වලින් හැදුනු ලොකු ගල් කැටයක් වෙන්නත් පුළුවන්.”

“ලස්සනයි.”

“ඔව්, ගිනි ගත්තට ලස්සනයි.”

“මොනවහරි ප්‍රර්ථනා කරන්න, කඩන් වැටෙන උල්කාවක් දිහා බලාගෙන කරන ප්‍රර්ථනා ඉෂ්ට වෙනවලු.”

“බොරු කතා! ඒක නෙවෙයි දිමිත්‍රි, ඔයා හිතනවද මේ විශ්වයේ අපි විතරයි ඉන්නේ කියල? මේ මන්දාකිනිය වගේ කොහේ හරි තව පෘථිවිය වගේ තැනක් ඇති කියල හිතෙන්නේ නැද්ද? මට හිතෙන්නේ නම් එහෙම ඇති කියල. ඒ ග්‍රහලෝකෙ ඉන්නේ කොයි වගේ ජීවින් ද දන්නේ නෑ. ඔයාට එහෙම හිතෙන්නේ නැද්ද?”

ඉතින් ආදරණීය විශ්වය,

ඈ ට ඕනෑ ඔබ එක්ක හාද වෙන්ට

කඩන් වැටෙන තරුවක් අත

එවාපන් ඔබේ පිළිතුර

ඈ ට හරි පාළුයි

මේ පෘථිවිය ඈ ට

පුංචි වැඩියි!

“පිස්සා! ඔය පඩිය උඩ නැගල දඟලන්න එපා!! වැටෙයි, බලාගෙන”

“වැටෙන්න දෙන්න එපා.”

“අපි යමු ද?”

“ටැක්සියක් කතා කරන්නද? රෑ වෙලා ගොඩක්”

“එපා, අපි පයින් යන්”

ආන්‍යා, අහස අල්ලන්න හීන දැකපු පොළොවේ පය ගහල ඉඳපු අපූරු ම ගැහැණියක්. මම ඒ සුන්දරත්වයෙන් මත් වුණු ඒ ගැන ම කවි ලියපු කවියෙක්. ඔව්, අපි දෙන්නට ම පිස්සු. අපි අපේ දෙවිදිහක පිස්සුව බාර ගත්තා. ඒකට පුරුදු වුණා. ඉතින් අපි ආදරේ කළා. රේල් පීලි කවදාවත් ක්‍රොස් වෙන්නේ නෑ. සමාන්තරව යනවා විතරයි. කවදාවත් ක්‍රොස් වෙන්නවත් මැච් වෙන්නවත් උත්සහ කරන්නත් එපා. ජීවිතේ කියන්නේ සමාන්තර ගමනක්. ඉස්සර වෙන්නවත්, පස්සෙන් යන්නවත් නෙවේ, පැත්තකින් ඉන්න ඕනේ ගමනක්.

~දිමිත්‍රි

ප.ලි. සමහර නොගැලපීම් ම පස්සේ කාලෙක ලොකුම සහ දරුණු ම ගැලපීම් වෙන්නත් පුළුවනි.

රුසියානු භාෂාවෙන් දිමිත්‍රි කියන්නේ Earth Lover. මහ පොළොවට ආදරය කරන්නා. එතකොට ආන්‍යා කියන්නේ Gracious/ Bringing Goddess කියන එක. කරුණාවන්ත සහ දායාදයේ දෙව් දුව. con Amore ඉතාලි වචනයක්. තේරුම, with love: ආදරයෙන්.

image: “The Starry Night” by Vincent van Gogh

    Nayanathara

    Written by

    another tiny little creature in a multiverse.