傳媒報道，林鄭繼續與民意為敵的作風，有意邀請已被市民唾棄的一眾親中派區議員出任各種公職，來個垃圾再用。林鄭今早見傳媒時沒有直認，但說親中派選舉失利跟政府民望低有關，向他們致歉理所當然。
林鄭邏輯果然與別不同，政府失政令親中派落選，首要工作唔係回應民意同改善施政，而係繼續與民為敵同補償親中派。平日民主派議員落選，又唔見佢關心人地，利益輸送到出晒面。跟住又話咩唔回應五大訴求係因為唔可以做有違法治既事，原來獨立調查係違反法治，真普選又違反法治。我只係知道依家法官判蒙面法違法咋。
跟住佢咁鐘意補償人，當年拆皇后碼頭佢比咩補償？囍帖街有咩補償？菜園村有咩補償？依家香港因為你施政失敗立立亂，你幾時補償全港市民？就算淨係講商界丫，阿首富完全唔關佢責任佢都拎左幾億出黎啦，仲要好多小商戶已經收到張cheque添啦，你都仲係乜都未做呀。仲未計班比你打傷、打盲、強姦、被自殺的人你幾時補償呀？搵條命都補唔償返啦。
不過最後，逆向思考，佢咁做都有助繼續connect市民反對佢，所以我又唔會阻止佢咁做既。同埋大家下次可以宣傳比阿伯阿婆聽：你唔洗擔心唔投票會搞到班親中派議員失業架，佢地做唔到議員仲多野撈呀。
