
羅馬非一日建成,但亦非無限發展,香港亦應該係一樣。
所謂建制派就係要不停攪基建。 其實香港基本上要建嘅都建晒架啦。一個城市發展到某個地步就好應該放緩增長,去發展佢應有嘅特色。
當然,呢翻說話會有一班人唔認同,因爲佢地係要靠喺呢個地方不停起野不停擴充先可以搵到食嘅。而要支持不停起野黎搵食就要有一定嘅人口增長,所以佢地係唔會反對每年幾萬新移民喺上面落黎定居嘅。
今時今日中國共產黨喺大陸當然以更高速發展, 因爲班人其實係冇創意,除咗偷呃拐騙,只能靠不停起野黎搵油水 (當中亦含大量偷呃拐騙),所以大陸人經常為有十四億人感到自豪。 而家好少中國人成日掛住講乜乜五千年歷史架啦,都係講十四億人多。都啱嘅因爲所謂五千年歷史神早俾共匪搞壞晒啦。
好多人鐘意去日本旅行(包括我),因爲好多人都好欣賞日本有好多唔同嘅小店文化 (小店不一定係細小,可以係好大好華麗都叫小店,最緊要係非集圑式經營),好多唔同野睇同食。啲人咁鐘意呢種文化但偏偏又要喺自己住嘅地方(香港)支持不停高速發展, 去歡迎無限引入大經濟遊客而唔係多源化遊客。大家都應該好清楚咁樣換黎嘅只有千篇一律嘅大財團店舖同埋食肆,因為只有佢哋先至可以係呢種環境下生存同礦張。喺香港賺呢種錢,去外國享受充滿特色嘅環境,逛小店,咁點解唔喺香港建設多源化環境呢?啲人仲要去支持建制?如果香港有良好人口政策, 唔再需要咁多大形基建,就自然會百花齊放, 明白點解要反未? 只要你係一值支持建制,支持當權者,支持中共,香港就唔會有你成日去旅行見到你認為好嘅野因為中共嘅思想就係要你地唔好有創意,要去不停自我複製, 方便佢地監控, 方便佢地保障自己利益。
最慘係好多人其實都可能明白呢個道理但又唔肯去犧牲任何野,就只會繼續支持當權者,支持建制。繼續喺個屎坑度賺錢去第二度享受。 老實講,錢,個個都要賺,但係可以唔一定喺屎坑度賺。
如果你好鐘意去外地旅行但又要香港一路建制黎方便你搵更多錢去外國咁你就真係好虛偽。
要改變呢個困局,香港就要真正高度自治,因爲中共會唔會放棄任何一個渣乾香港嘅機會?唔會。所以要佢倒台。
Clarify points:
- 建制派都會攪民生但只係爲選票。
- 有人會話“羅馬花好幾千年去建,香港只建了百幾年。” 現今科技起野快好多同埋你有眼都睇到香港多幾多野。
- 中國1,400,000,000人命賤過泥,講賤唔係因為佢哋賤格,而係當權者只會覺得人命係冇乜價值, 只係一種鞏固自己王國嘅“武器”。
- To be continued.
