IT界Sales之力量等級

係香港嘅IT界，Sales嘅title根本就係fake啲傻仔，我而家張我所有見過嘅sales仔sales佬劃分以下等級

A+級大sales

係大vendor撈得掂，撈得長，唔係撈一陣就比人雞左。有好多connection，包括客同人嘅connection。係特定scenario有江湖地位，其實好多大客都係跟人，呢啲大sales講野有人會信有人會聽。而呢一種大sales可以再細化成兩種： 跟tech, 跟vendor, 跟product。呢一行係最上乘嘅超級大sales，係屬於跟tech呢一種。呢種一不受自己vendor所約束，無敵於市場。打個比喻，你係HP到賣storage server，啲人認你係storage嘅專家，你唔撈HP轉去撈東芝，啲客跟埋你轉。呢群人為數極少。

A級大sales

呢一種係次一等跟vendor嘅等級，對vendor嘅牌頭呀，人呀, production line呀，有比較大嘅依存度。打個比喻，你係咪記嘅大sales，出面嘅人認你賣咪記野好專，但你唔做咪記，即刻PK。

A-級大sales

呢一種個市場只認你賣某一兩種product掂，出面嘅人信你，但你賣其他野賣唔到。呢種sales停係呢個境界可能無技術作後盾，自己無能力再對其他產品深入，所以被逼停係呢個Level.

普通sales

有單，有客，跑到數, 但唔專。以單為主導，無乜理想，可能根本無諗過可以點賣先有自己特色同出到位。

濕鳩sales

根本就唔到數，為人麻撚煩，好Q多手勢， 其他sales或者vendor同佢合作就三個字：麻撚煩，凡事嫌三嫌四，自己又無能力成到單deal。一衰左總有九萬幾個借口話你準備唔好，唔盡力。根本勁嘅sales就不停practice，入到場自己帶入個波。而呢一種濕鳩sales就sell乜野都要靠人，靠人整powerpoint，靠人brief佢，靠人present，係個客面前就坐係到發夢打飛機，推哂俾其他人講，到個會最後就講啲濕鳩野，毫無技術含量，仲要以為自己好醒一出門口就屌人。呢啲濕鳩sales結張幾廿萬嘅單已經high撚到上天花板。

同呢種濕鳩sales合作一定無運行，大家小心

Reseller

呢班友根本就連sales都算唔上，其實乜野叫sales呢，就係upsell件貨嘅價值，upsell件貨嘅feature。呢啲粉腸最叻就係賣啲左手交右手嘅野，唔識upsell。仲有最仆街嘅就係：呢班友永遠唔肯take risk，軟件對佢黎講同一條咸魚無分別，左手進貨右手散貨，只適合賣一啲一次性嘅box set或者有哂大vendor support嘅license。

呢班友係完全阻住香港IT文明發展啲毒瘤。佢地接受唔到軟件係有bug嘅呢個事實，一有bug就會發癲鬧人，數人，屌人。

建議所有軟件開發商同呢班友割席，除非你好似咪記甘大，有哂成條support line，有事自己handle，當怕撚左呢班友。講個秘密你知，咪記根本當呢班友臭四。

!!! Reseller係有進取有好人，但為數少得可憐，所以可以忽略

Cashier

全行最底級嘅所謂Sales，同做收銀無分別，無人面無人脈無Lead無生意無客，唔識市場唔識人唔識字唔識規矩，公司俾lead佢跟，佢就靠同事或者partner簽張單，最後send張invoice出去收錢，完 !!!