【突然發射】TOYOTA Corolla Touring外形OK喎

PowerPlay HK
Sep 4, 2018 · 2 min read

Text: John Chan

Photos: Toyota U.K.

豐田喺毫無先兆情況下,於今日歐洲下午時間,突然公布今代Corolla嘅旅行車版,較外界估計喺今年十月巴黎車展嘅公布期為早。

廠方早前表明,歐洲發售嘅新Corolla,經已棄用Auris一名,全球一個名──Corolla。而新一代Corolla旅行車,更採用Touring一字,即時令人想起寶馬3系Touring同5系Touring。




Corolla Touring軸距比「望落經已好大部」嘅五門掀背版長60mm,達2700mm。行李艙空間喺未放平椅背之前,已有598公升。

三個引擎選擇係意料之內。115匹1.2直四Turbo、122匹1.8公升直四混合動力及180匹2公升直四自然吸氣引擎。

就咁睇住兩張由廠方公布嘅相片,Corolla Touring車身側面幾吸引,希望日本本土發售版本,有啲更靚仔嘅擾流組件就好喇!



相信廠方將會喺巴黎車展舉行前,逐步公布Corolla Touring嘅詳細資料。先唔好問有冇行貨,日本版一定,係一定有Corolla Touring。得啦!係有feel嘅自己執生。

    PowerPlay HK

    PowerPlay HK Official Medium facebook: fb.com/powerplayhk email: inquiry@powerplayhk.net sales@powerplayhk.net

    Welcome to a place where words matter. On Medium, smart voices and original ideas take center stage - with no ads in sight. Watch
    Follow all the topics you care about, and we’ll deliver the best stories for you to your homepage and inbox. Explore
    Get unlimited access to the best stories on Medium — and support writers while you’re at it. Just $5/month. Upgrade