Modi-Oli Phone Conversation

(Confusion in conversation between the PM duo due to NTC network and muffler worn over the head in Kejriwal style by both in this cold season)

Modi: Ram Ram Oli ji!
Oli: Baburam? Kitni bar kaha hai ki hum usko pardhanmantri nahi bana sakte. Woh sasura sadiya gaya hai
Modi: Sisodiya? abhi us manhoos ka naam mat lijiye. Jina haram kar diya hai usne. Aur sunaiye kya hai haalchaal?
Oli: Bhuinchal? Abhi sab twitter logon ne Bhuinchal pidit bol bolke paresan kiya hai? Humne thodi na bulaya tha bhuinchal ko Nepal bhraman par.
Modi: Bhraman se yaad aya. Woh aapka up-pradhan mantri Thapaji kitna bidesh bhraman par jate hain? bhakt log pareshan hogaye hain ki humse jaada woh desh se bahar rehte hain. Jara samjha kijiye, meri reputation ke bareme to sochiye.
Aur aapka sehat thik hai? Hamare launde bol rahe the ki bahut jyada dabai leni padti hai aapko. Lagta hai dabai barobar kaam kar rahi hai. Tv par bade tandurust lag rahe the
Oli: Aap ki launde kya keh rahe hai sab pata hai mujhe. Who kya samajhte hain ye saab tukkabaji hum steroid ki dum par kar rahe hain? Humne kabhi doping nahi kiya hai. Aaap hi ne steroid ghoch ghoch kar 56 inch ka chhati banaya hoga. Hum toh bachpan se hi Jet Li jaise hain
Modi: Are Jaitley ka naam kyun le rahe ho? Sab log Jaitley ke bhrastachar ko lekar meri khinchai kar rahe hain. Thodi bahut masti to sabhi karte hain na, aapke Nepalme mein bhi hota hai. Aapke Thapaji ne bhi to chhote bhaiko ANFA me kuchh waise hi karne par bhi kuchh nahi kiya.Humne aapse uspar kuchh puchha? Fir kyun Jaitleyji ki baat nikaal rahe hain? Loku ko kehkar aap par bhi CBI, sorry CIAA, lagwa doon?
Oli: Kyon naraaj hote ho, Damodar bhai? Loku se yaad aaya ki hum toh Jhapa local kukhura khane aye the. Aaap hume bolayenge toh Dilli mein local kukhura kha ke aap aur aapke aadmi ke saath party karenge.
Modi: Aaam Aadmi Party? Aap kab se humse panga le rahe hain. 
Oli: Humne kahan aam aadmi party bola? Hum to local kukhura party bol rahe the. Lagta hai thandi se aapka sab kan-nak hi band ho gaya hai.
Modi: Nakabandi? Fir se panga lene ki baat. Humne kahan nakabandi lagaya hai? Apne desh ke madhesiyon ko mahatwa dijiye sab thik ho jayega.
Oli: Mahato dijiye? Aapko Mahato chahiye? Le lijiye. Hum abhi de denge.
Modi: Nahi, Mahato ko aap hi rakhiye. Chahe to Darjeeling-Uttarakhanda sab de denge lekin Mahato ko lauta dene ki baat kabhi mat kijiye. Abhi jaldi mein hun. Selfie lene ka time ho gaya hai. Fir agle saal ki bidesh bhraman ki schedule bhi banana hai. Abhi bida dijiye.
Oli: Bidya dijiye? (line cuts) Kasto chhada budo bhanya! Yesko Smriti Iran tel lina gayo ki kya ho. Anab sanab kura garchha, Gujju moro!