冇錯,自從雨傘運動開始我就一直follow呢個page。
唔知大家係咪同我一樣有兩邊想法都想了解下既想法,身邊有黃有藍,覺得唔可以只睇一類資訊,兩邊都睇下先可以更全面。所以我日日都有keep住睇佢哋啲post。唔知佢哋編輯咩背景,但都好欣賞佢哋一直不動搖、愛國愛港。
今日我打開Facebook ,大部分都係講緊杜汶澤要同叻哥對談有幾辛苦幾無奈。呢個時候當然又要睇下時聞點出post吹奏叻哥。果然佢就share咗一段節錄咗大約一分鐘嘅節目內容,題為「臭口澤歪理連篇 陳百祥全程淡定 句句串窒杜汶澤」。