“hua kya tha Rahul ko”, Maa ne Papa se Pucha.

“Rahul, Rahul kal raat nashe me tha” Papa ne Maa se kaha.

Ye sunne k bad meri Maa Papa se kuch aur bolne ki halat me nhi thi. Isliye mann me hajaro swaal liye vo chupchap apne kamre me chali gyi. Main chup ke se unki baatein sun rha tha. Thodi der bad mai Maa k kamre ki taraf badha. Jab mai darwaje pe tha to maine dekha, Meri maa chup chap baithi thi. Main dabe pair kamre me daakhil hua. Maine socha vo mujpe chilayegi, muje maregi ya muje jaane k liye kahegi. Par nahi, vo vaise hi baithi thi jaise tufaan ke aane se pehle ki shanti ho. Ander hi ander muje pta tha ke uski is halat ka jimedaar main hi hun. Main bs uske pairo me baith gya. Us samay kamre me sirf ghadi ki suiyon ki awaaz thi. Muje samjh ni aa rha tha main kya bolu.

“Maa, mujse bhut badi galti ho gyi maa. Please muje maaf krde. Main teri kasam khata hun dubara aisa kabhi nhi karuga. Mai tujhe kabhi aise dukhi nhi kruga Maa. Muje pta h teri is halat ka jimedaar main hi hun”, Maine thodi himmat krke usko bola.

Muje umeed thi k maa kuch bolegi iske bad. Par uske muh se ek shabad ni nikla. Ek bar fir kamre me sannata cha gya. Bs ghadi ki tik tik mere kaano me chub rhi thi. Aisa lagga jaise usne kuch suna hi ni aur mere vaha hone na hone se usko koi farak nhi padhta. Mere dil ki dhadkan aur tej ho gyi, mera dimag band ho chukka tha. Bas ab ek hi cheej meri baton ka utar de rhi thi vo the uske aansu. Ek bete k liye isse bura kya hoga k vo apni maa k aansuon ka kaaran bane.

“Maa kuch to bol maa, kuch to bol”, Mai chillaya, par koi fayda nhi hua. Bas vo aankhon me aansu liye jinda laash ki tarah thi.

“Tune humein kahi ka ni choda Rahul”, akhirkar usne apni chuppi todi. Uske ye shabad mere dil ko chirte huye nikal gye. Muje pta tha k main uska gunahgaar hun. Maine jo kiya h usse maaf nhi kiya ja skta tha.

“nhi maa, meri koi galti nhi hai maa. Vo ravi hai na ravi, usne mujse bola k ye try kar ek bar tujhe acha lagega. Uske bad mujhe nashe ki latt c lag gyi maa. Main kya kru maa, mujse rha hi ni jata” Maine apni galti ki safayi dene ki koshish krte huye kaha.

Han, pichle 2 saal se mujhe nashe ki latt lag chuki thi. Meri dosti bhi kuch aise logo se ho gyi thi. Unke sath baith k ganja, heroien, injections lgana mere liye aam baat ho gyi thi. Aisa koi nasha nhi tha jo maine na liya ho. Muje pta tha k usse kuch chipa nhi reh skta, par aise meri maa ko ye sab pta chalega ye maine kabhi nhi socha tha.

Itne me mere papa room me aye aur unhone muje andekha krte huye maa se kaha,” vo log bahr aa gye”, meri maa uthi aur papa k sath bahr jaane laggi.

“Maa bahar mat ja maa, meri baat to sunle maa”, Mai chillaya.

Dono Kamre se bahr chale gye. Mai bhi unke piche gya. Kamre se niklte hi mere papa aur maa ne jor jor se rona shuru kr diya. Roye bhi kyu na, apne jawaan bete ki laash apne saamne dekh k kon ni royega.

“mai apka gunahgaar hun muje maaf krdo” Main chillaya.

Par koi mare huye ko kaise sunta. Han, mai is dunia me nhi tha. Pichli raat jab mai nashe me ghar aa rha tha to mai car sambhal ni paya aur truck me ja takraya. Pta ni mere karmo ki sajja mere maa papa ko kyu milli?