எழுகின்ற தீயை முன்னே கொண்டு சென்றிட்டால்
மெழுகுரு கும்பரி செய்திடும் மெய்யே
உழுகின்ற தில்லை ஒளியை அறிந்தபின்
விழுகின்ற தில்லை வெளியறி வார்க்கே — 838
விளக்கம்:
யோகப்பயிற்சியின் போது மூலாதாரத்தில் இருந்து எழுகின்ற குண்டலினி எனும் தீயை, சிரசின் மேலே கொண்டு செல்வோம். அப்படிக் கொண்டு செல்லும் பயிற்சி நன்கு கைவரப் பெற்றால், நம்முடைய உடல் மெழுகு போல் உருகி மெலிவு பெறும். உடல் மெலிவுறும் போது, யோகப்பயிற்சி இன்னும் எளிதாகும், உடல் வருந்தாது, களைப்பும் அடையாது. மேலும் நாம் நம்முடைய சிரசின் மேலே உள்ள துவாதசந்தம் என்னும் வெளியை அறியலாம்.
எழுகின்ற தீ — குண்டலினி, உழுகின்ற தில்லை — வருந்துவதில்லை, வெளி — துவாதசந்தம்
Originally published at திருமந்திரம்.