Jul 10, 2017 · 2 min read
主觀評論:《詭探》

聞說詭探幾好睇,所以好奇心驅使下,我終於捱完第一季《詭探》。做乜好哋哋要用「捱」字呢?咁要追溯到某日係咖啡店與朋友評劇的對談。
朋友:「套野算係咁啦!一睇就知道佢無budget做,香港已經愈來愈少有心製作。」
我:「咁有心還有心。同一個場景每個演員對白拖幾秒先接對手,我真係睇到好眼訓囉,唔該。」
朋友:「咁唔真實咩!你平時同人講野都唔係即時應人,慢幾秒有乜問題。」
我:「我睇《詭探》就係想有恐怖感。我仲專登熄晒房燈,點知次次都睇到無耐就瞓著咗。你拖到劇情咁慢,真係好難頂!」
朋友:「唔係呀。降頭師南叔同經典地鐵廣告都係好睇。」
我:「就係得呢兩套較有睇頭,可惜都係虎頭蛇尾,結局都係爛尾。最離譜係邪教個場戲,好似細佬仔拍喪屍片,浪費晒個劇本。」
朋友:「咁你都知香港地無錢拍片,創意工業有橋無錢。咁我都認同你講爛尾同邪教場戲。」
我:「唔好話我淨係識得批評。我覺得佢地配樂做得幾好,唔少恐怖場景都係多得配樂搭救。不過一套驚嚇恐怖劇集,要完全靠配樂去搭救,咁仲算唔算係一套好劇集。」
朋友:「嗱,反正應該有第二季,不如你畀多次機會佢地。」
我:「好呀!咁我睇住netflix先」
後來話題回到我幾時寫完本書…..
