ຜາເງີນຈຸດຊົມວິວຕົວເມືອງວັງວຽງ

ບໍ່ຮູ້ວ່າເປັນເທື່ອທີ່ເທົ່າໃດລະກັບການມາວັງວຽງ ແຕ່ກະຍັງລຸຍບໍ່ຄົບຈັກເທື່ອ ເທື່ອນີ້ຂໍບຸກຈຸດສຸດຍອດແຫ່ງການຊົມວິວຂອງເມືອງວັງວຽງ (ຜາເງີນ) ແບບຈັດເຕັມ.

ການຂື້ນຜາເງີນນີ້ຂໍແນະນຳວ່າໃຫ້ຂື້ນແຕ່ເຊົ້າໆ(6 ໂມງປາຍກຳລັງດີ ໄປຮອດຕີນຜາ ກໍປະມານ 7ໂມງຍັງ).ຜາເງີນຈະຢູ່ຫ່າງຈາກຕົວເມືອງໄປ ປະມານ 5 ກິໂລແມັດ ທາງດຽວກັບທາງໄປຖ້ຳປູຄຳ.ຈະໃຫ້ດີແມ່ນໃຫ້ໄປຂື້ນຜາກ່ອນແລ້ວຈື່ງລົງມາຫຼີ້ນນຳ.

ບັນຍາກາດແຄມຊອງຕອນເຊົ້າກ່ອນໄປປີ້ນຜາເງີນ

ເຕີມນຳ້ມັນລົດກ່ອນໄປ ມີຄວາມກຽມພ້ອມ

ສຳລັບລາຄາຂື້ນຜາແມ່ນ 5 000 ກີບ ສຳລັບຄົນລາວ(ຕ່າງປະເທດບໍ່ຮູ້). ຜາເງີນມີຄວາມສູງປະມານ 650 ແມັດ

ທາງລະຫວ່າງຂື້ນກະທໍລະຫົດສົມຄວນ(ຂູ່ຜູ່ທີ່ຍັງບໍ່ໄປໄວ້555) ຄິດວ່າຖ້າໄປຍາມຝົນນີ້ອາດຈະໝື່ນໄດ້ງ່າຍໆ ຖ້າເປັນຍາມແລ້ງຈະຂື້ນງ່າຍກວ່າ, ອີກອັນໜື່ງທີ່ບໍ່ຄວນລືມຄືນ້ຳດື່ມເພາະກວ່າຈະຂື້ນຮອດເຮັດຫຼາຍໆຄົນຫອບໄປຫຼາຍເຕີບ (ຢູ່ເບື້ອງເທີງສຸດມີຕຳສົ້ມ ແລະ ນ້ຳດື່ມຂາຍ ນັບຖືແມ່ຕູ້ທີ່ເປ້ນ້ຳຂື້ນໄປຂາຍອີ່ຫຼີ ເຮົາຍ່າງຂື້ນແຕ່ໂຕລ້າໆກະເກືອບບໍ່ລອດລະ).

ເມື່ອຂື້ນໄປຮອດຮັບຮອງວ່າບໍ່ຜິດຫວັງກັບວິວງາມໆຂອງຕົວເມືອງວັງວຽງ ຂື້ນລະບໍ່ຢາກລົງພຸ້ນລະ(ຄິດງໍ້ຂາລົງແຮໆ) ແຕ່ເມື່ອຂື້ນໄປຮອດເທິງແລ້ວເຮົາກໍຮູ້ອີກວ່າຜາເງີນຍັງບໍ່ສູງພໍ555 ຍັງມີຈຸດຊົມວິວຢູ່ເບື້ອງຂວາມື ທີ່ສູງເທົ່າສອງເທື່ອຂອງຜາເງີນທີ່ສຳຄັນມີຄົນຂື້ນໄປພູໜ່ວຍນັ້ນແລ້ວຮູ້ສືກວ່າຈະມີຜູ່ຂາຍເຄື່ອງດື່ມຄືຢູ່ຜາເງີນນຳ(ສອບຖາມແມ່ຕູ້ທີ່ຂາຍນ້ຳເທີງຜາເງີນ ນັບຖືເລີຍຜູ່ທີ່ຂື້ນຮອດ ຢາກລອງແຕ່ເບີ່ງສະພາບໂຕເອງ ເທື່ອໜ້າສາເນາະກິວ).

ເຮົາມີຮູບໃຫ້ເບີ່ງທັ້ງສອງລະດູ ໃຜມັກແບບໃດກໍໄປຊ່ວງນັ້ນເລີຍ

ລົງຈາກຜາເງີນມາກໍມາອາບນ້ຳເຢັນໆ ເບີ່ງ ຝຣັ່ງ ເບີ່ງໂອ້ປ້າອາບນ້ຳ ສະບາຍໃຈແຖມສະບາຍຕາ ອິອິ

ທ້າຍສຸດກັບໄປລ່ອງເຮືອກາຢັກຊົມວິວຕາມແຄມແມ່ນ້ຳຊອງ ກ່ອນກັບສູ່ນະຄອນຫຼວງ.

One clap, two clap, three clap, forty?

By clapping more or less, you can signal to us which stories really stand out.