DUSSEHRA 2014 ESSAY IN HINDI | LONG

Dussehra 2014 Essay in Hindi Language

Dusshera k parv samagra bhaarat varsha me badi dhoom dham ke saath manaya jaata hai. Log is din bhagwaan shree Ram aur Maa Durga ki aaradhna karte hain. Vidhyalayo tatha maha vidhyalayo me is din avkaash hota hai. Kai jagaho par chaatro me vaktavya spardha ka aayojan kiya jaata hai. Usi k uplakshya me ye Dussshera par nibandh likha gaya hai jo aap k liye hitkaari ho sakta hai.

Dussehra 2014 Essay in Hindi

Dusshera ke tyohaar ko Durga Pooja ke naam se bhi jaana jaata hai. Yeh tyohaar varsha ritu k ant me saarey bhaarat me manaya jaata hai. Bengal me hone waali Durga Puja aur Gujarat me hone waaley garbe is tyohaar ke mukhya aakarshan Kendra hain. Navratri k pehle din se le kar Susshera k din tak poorey 9 din saarey bhaarat varsha me bhaari dhoom machi rahti hai. Log bhakti me doobey rehte hain aur maa Durga ki aaradhan karte hain.

Dussehra 2014 SMS for your Friends

9 dino ki pooja k baad daswe din Dusshera ka parv aata hai. Dashmi k tyohaar se is parv ka samaapan hota hai. Isi din ko vijayadashmi k naam se bhi jaana jaata hai. Is parva ko buraai par acchai ki jeet ka prateek maana jaata hai. Saarey desh bhar me Raavan k vishaalkaay putle foonke jaate hain.

Isi din Bhagwaan Shree Ram ne Seeta maata ko Raavan ki kaid se chudaaya tha tatha sarey samaj ko bhay mukt kiya tha. Prabhu Shree Ram ne isi din saari buraaiyon ka naash kar dharma ki staaphna ki thi. Adharma ka naash kiya tha. Ravan vadh k purva Shree Ram ne Maata Durga ki upaasna kit hi. Jis se prassan ho kar Maata ne unhe vijayi hone ka vardaan diya tha.

Usi din se Dusshera mana ne ki pratha shuru hui thi. Aadi kaal se aaj tak raavan dahan samooche bharat me dhoom dhaam ke saath manaya jaata hai. Isi ke sath aatishbaajiyaan aur patakhe chode jaate hain. Paschim Bengal me jin bhakt gano ne murti staaphna ki thi wo isi din murti visarjan ke karyakram ka ayojan karte hain. Is visarjan k liye log poorey bhakti bhaav se aate hain tatha poorey samman evam gaaje bajo k saath mata Durga ki murti ko jalashayo me visarjit karte hain.

Navratri k dauraan vrat rakhe jaate hain. Jo shraddhalu in dinoi vrta rakhte hain wo dussher awaaley din brahmano ko daan dakshina de kar punya ki praapti karte hain. Melo ka aayojan is din bahut aam baat hai. Jagah jagah ram leela k karyakram ka aayojan kiya jaata hai.

Is vijay parva ko shashtra poojan ki tithi k roop me bhi manaya jaata hai. Raajput apne shashtro ka isi din aadar sahit poojan karte hain tatha maa ambe se shakti ka vardaan maangte hain. Desh k kone kone me is parv ko harsh aur ullaas k saath manaya jaata hai. Na hi keval bhaarta varsha me apitu Nepal evam Bangladesh me is tyoohar ko badi shan se manaya jaata hai. Tatah jahan jahan pravasi bhaartiya rehte hain ve apne desh ki sanskriti ko jeevet rakhne k liye is parva ko bade dhoom dham k saath manate hain.

Mandiro me roshni ki jaati hai aur saarey sheher ko roshni se nehla diya jaata hai. Saarey bhaarat varsha ki chata is din dekhte hi banti hai.

Buraai par acchai ki jeet k is paaavan parva pe hume pran lena chahiye k hum na kisi ka bura karenge na kisi k saath bura hone denge. Aaiye is vijayadashmio par hum sab mil kar yahi pran le k hum desh k tatha doosro k bhale k liye kaam karenge tatha sabhi buraaiyon se door rahenge.

Show your support

Clapping shows how much you appreciated Shilpi Verma’s story.