上次篇《文儀用品五件事》反應好似唔錯，咁置記就按計劃寫下應用 Excel 嘅一啲趨吉避凶小貼士。有啲嘢，唔講唔覺，錯咗柒咗先發覺。因為使用 Excel 嘅一啲小問題而畀老闆明小暗寸事少，影響自己喺職場上嘅聲譽事大，你話幾唔抵呢？
一：打印空間 (Print Area) 非定不可
話說置記當年仲係新鮮人、小薯仔，奉老闆之命整個表，懶靚咁執晒 Excel spreasheet 嘅界線、字型同顏色，執靚靚之後滿心歡喜 email 畀舊老闆等呃 like ，心情既期待又緊張。
似曾相識呀可？如果你老闆係新派人奉行無紙工作間， Paperless ，就可能相安無事。不過，遇著老派老闆鍾意事無大小都印出嚟喇喎⋯⋯就會好似置記當年咁：一係就一張 Spreadhseet 散開六張 A4 紙印出嚟；一係就一張 A4 紙入面個表啲字好似米雕咁細粒。望住舊老闆對住幾張爛紙一臉茫然嘅樣子，真係欲哭無淚。
點解咁柒？咪就係冇較 Print Area，或者較錯咗囉。經一事、蔡一智，下次 send Spreadsheet 之前記得望清楚，張紙要打直定打橫，每行每列嘅長闊高較返好。話知佢印唔印、印之前又 check 唔 check Print Area 丫。
二：冇 Lock 嘅 Cell 就好似冇拉上嘅褲鏈咁
讓人予取予攜呀。
置記舊老闆每次睇完我嘅 Spreadsheet 之後試按 Backspace 或者 Delete 掣。佢梗係唔係想滾搞我啲嘢啦，邊有咁得閒。佢，係特登嘅。
大家都知用得 Excel 少不免有寫 Formula 。但係公事上同人分享個 Spreadsheet 共用，點樣防止自己苦心寫好一段段嘅 If Then Else 唔會消失於無形？
答案就係較返每格嘅格式，係 Lock 定 Unlocked ，以及張 Spreadsheet 本身有冇較 Protection ， Lock 咗嘅 Cell 究竟可唔可以揀選，可唔可以加行或減行，之類。
咁你明白，我舊老闆嘅指定動作係以防有傻仔唔小心唔覺意鏟咗嘢然後仲要騰雞起上嚟 Save 埋個 File 啦？認真用心良苦呀。
三、用錯 Filter 篩錯選
「置記，點解個 Excel 印出嚟啲紀錄唔齊嘅？」
