魔女遊戲

《魔女遊戲》 我喺一氣呵成咁讀完嘅。林作家的文筆真喺越來越好,故事情節鋪排仲穩穩覺得似睇完一套韓國的劇集,細節到位之餘情節唔拖沓仲幾合理。話說喜歡睇懸疑故事嘅朋友應該最鐘意喺一路睇一路估兇手喺邊個,呃,反正我通常都喺最後一刻先知嘅(資質關係),我都好奇其他人覺唔覺得個故事容易猜出兇手(有睇嘅麻煩講聲)。我讀完個刻甚至覺得呢本書可以衝出國際(太誇張嗎?),講到咁,喺咪想買嚟睇下呢?

講番本書,其實喺《零和遊戲》、《極限遊戲》和《盲點遊戲》嘅續篇,我睇左 《 極限遊戲 》 ,其餘兩本未睇,特別選擇呢本寫讀後感喺因為故事主旨比較吸引我:嫉妒。

先睇睇幾句精華:

▶女人是宇宙中最麻煩可怕的生物(p.25)

▶女人之間的愛恨和嫉妒,比男女之情更濃烈。凝視每個女人黑暗的內心,是凝視著一個個無底的恐怖深淵。(p.327)

▶有些女人,就是會勾起同性心中最黑暗的情感。(p.351)

嫉妒呢種topic 我覺得喺難寫嘅,可以好易寫得好膚淺,而本書好睇在於林作家將各種女人之間嘅關係(包括姐妹,朋友,同事)嘅嫉妒心都寫左出嚟,令我深有共鳴之餘,仲唔會偏離主題。一路睇個陣仲想知呢啲心情有冇得醫,可惜嘅喺好似冇,我諗只有做好自己吧。

One clap, two clap, three clap, forty?

By clapping more or less, you can signal to us which stories really stand out.