
ໃນໂລກຂອງ ການຕະຫຼາດ, ໂຄສະນາ ຫຼື ການເຮັດ campaign ໃນທີ່ຜ່ານມາຈົນເຖີງປະຈຸບັນ, ຫຼາຍຄົນອາດຈະໄດ້ຍິນຄຳໆນີ້, ນັ້ນກໍ່ຄື “ Influencer “ ເຊິ່ງແປລາວຕາມໂຕແມ່ນບຸກຄົນທີ່ມີອິດທິພົນໃນແງ່ຂອງການເຮັດໃຫ້ brand ເປັນທີ່ຮູ້ຈັກ ແລະ ສ້າງໂອກາດໃຫ້ເກີດການຕັດສິນໃຈຊື້ຂອງສິນຄ້ານັ້ນໆ.
ແຕ່ໃນຄວາມເປັນຈິງແລ້ວ ທາງການຕະຫຼາດໄດ້ແບ່ງ Influencer ອອກເປັນສາມລະດັບເຊັ່ນ: Mega Influencer, Macro Influencer & Micro Influencer.

Cr: twfdigital
Mega Influencer ເວົ້າງ່າຍໆກະຄືດາລາ, ນາງແບບ ນາຍແບບ ທີ່ມີຍອດຜູ້ຕິດຕາມໃນເຟສບຸກຫຼາຍກວ່າ 100,000 ຄົນຂຶ້ນໄປຈົນຮອດຫຼັກລ້ານ, ເຊິ່ງສ່ວນຫຼາຍແລ້ວຕ່າງປະເທດຈະໃຊ້ຄົນກຸ່ມນີ້ສ້າງ brand awareness ເພື່ອໃຫ້ເປັນທີ່ຮູ້ຈັກໃນວົງກວ້າງ.
Macro Influencer ແມ່ນມີຄວາມຄ້າຍຄືກັນກັບ Mega Influencer ແຕ່ສິ່ງທີ່ແຕກຕ່າງແມ່ນ ຄວາມສົນໃຈຂອງ follower ຈະແຄບລົງມາຈາກກຸ່ມຂອງ Mega Influencerເຊັ່ນ: ການທ່ອງທ່ຽວ, ເທັກໂນໂລຊີ, ອາຫານ, ເຄື່ອງສຳອາງ…. ຂໍ້ດີຂອງການໃຊ້ Macro Influencer ເປັນເຄື່ອງມືທາງດ້ານການຕະຫຼາດ ແມ່ນຈະຊ່ວຍໃຫ້ສິນຄ້າເຂົ້າເຖີງກຸ່ມລູກຄ້າໃນວົງກວ້າງ ແຕ່ເຈາະຈົງສະເພາະກຸ່ມລູກຄ້າທີ່ມີຄວາມສົນໃຈສະເພາະດ້ານເດີ້!!
Micro Influencer ແມ່ນບຸກຄົນ/ກຸ່ມຄົນທີ່ມີຍອດ follower 5,000–100,000 ຄົນ, ແຕ່ບ້ານເຮົາຕໍ່າກວ່າ 5,000 ກໍ່ສາມາດເປັນ Micro Influencer ໄດ້ເນື່ອງຈາກຖານຂອງປະຊາກອນເຮົາໜ້ອຍຖ້າທຽບກັບຕ່າງປະເທດ. ກຸ່ມນີ້ເຖີງແມ່ນວ່າ follower ໜ້ອຍແຕ່ມີອິດທິພົນ ແລະ ສາມາດໂນ້ມນ້າວໃຫ້ follower ຕັດສິນໃຈຊື້ສິນຄ້າໆນັ້ນໄດ້ຫຼາຍ ເພາະບໍ່ວ່າກຸ່ມນີ້ຈະຣີວີວຫຍັງ ມັນເບິ່ງຄື້ real ໄປໝົດ ແລະ ຍຸກນີ້ຜູ້ບໍລິໂພກສະຫຼາດຫຼາຍ ສະນັ້ນ, ການໂຄສະນາຕ້ອງເປັນອີ່ຫຍັງທີ່ເບິ່ງຄື real ແລະ ຂໍ້ດີອີກອັນໜຶ່ງຂອງການໃຊ້ Micro Inluencer ແມ່ນ ຄ່າໃຊ້ຈ່າຍບໍ່ສູງຫຼາຍ. ສຳຫຼັບກຸ່ມນີ້ ແມ່ນເໝາະສຳຫຼັບການສ້າງ engagement ໃຫ້ກັບ brand.
ສະຫຼຸບ: ການໃຊ້ Macro Influencer/ Micro Influencer ເຂົ້າໃນການຕະຫຼາດແມ່ນແລ້ວແຕ່ວັດຖູປະສົງຂອງ campaign ນັ້ນໆ. ຖ້າ brand ທ່ານໃໝ່ສຳຫຼັບຕະຫຼາດແນະນຳໃຫ້ໃຊ້ Macro Influencer ເພື່ອສ້າງ awareness ໃນຕະຫຼາດ. ແຕ່ກົງກັນຂ້າມຖ້າແບຣນຂອງເຈົ້າຢູ່ໃນຕະຫຼາດມາດົນ ແຕ່ຢາກຂະຫຍາຍຖານຄົນຊົມໃຊ້ ແນະນຳໃຫ້ໃຊ້ Micro Influencer, ເຖີງວ່າຜູ້ຕິດຕາມຂອງເຂົາຈະໜ້ອຍ ແຕ່ອິດທິພົນຕໍ່ການຕັດສິນໃຈຊື້ຂອງເຂົາສູງກວ່າ.