{In this story, the author has omitted the real names to be restricted from Publicly Identity Revealing legal issues. This story is recommended for all those who prefers to travel at night and not for those who actually travels at night. Reader discretion advised. The reader will read at its own responsibility.}
Part II out of V
Train me wohi sannata.
Aur sannate me train ki chalne ki dheemi dheemi awaaz.
Bahar baarish ki wajah se khidki se aati thandi thandi hawa .
Raat ka waqt aur aadhe andhere aur aadhi roshni me upar ek anjaan bag se tapakta khoon jaisa laal rang.
main uthkar khada ho gaya.
Maine sir ke upar dekha toh ek bag tha jo kaafi mazboot lag raha tha kyunki dekhne par ye saaf kaha ja sakta tha ki iske andar kuch thoos thooskar bhara gaya hai aur zip ko badi mushkil se band karne me hi ye ek zip toot gayi hogi. kyunki usme do zip thi jisme ek tooti thi aur ek nahi. dono zips ka saath me istemaal karke bag ko band kiya gya tha aur dono chaino ko ek jagah band karke chhod diya tha.
jahan se laal rang tapka tha wahan par ek laal gola ban gaya tha. Ye gola bag ke theek neeche tha. theek waisa hi jaisa chat se paani tapakte waqt ek nami ka gol ghera ban jata hai.
ye laal rang ki boond ka ghera laal hona, khoon ki tarah ghaada hona aur uss laal gole ka poori tarah se chipchipa hona inn sab ka ek hi matlab tha ki ye khoon hi hai.
woh khoon jo boond bankar upar rakhe bag se abhi abhi neeche gira tha.
upar rakha hua woh bag baaki sabhi baigon se sata hua daba hua tha jaise kisi ne kadi mashakkat karke use wahan rakha ho.
uss train ke dabbe me sabhi log ab tak so chuke the aur jo bhi roshni dabbe me thi woh dabbe ke sleeping birth tak nahi pahunch rahi thi isiliye kehna muskhkil tha ki koi wahan jag raha hai ki so raha hai.
woh pakka hi khoon tha ye toh ab tak mai samajh chuka tha lekin woh isse pehle seat par kyun nahi gira mila aur iss bag me tha kya.
maine uss bag ko chookar andaaza lagaana chaha ki isme kya ho sakta hai. aise lag raha tha mano koi kisi ke tukde tukde karke isme le jaa raha ho.
maine uss gol daag ko chookar dekha woh chipchipa raha tha. aisa khoon tab hone lagta hai jab ek dead body ko ek do din freeze karke rakha jaaye jisse ki smell aani band ho sake aur blood bhi dense ho jaye jisse uska bahaav kam ho sake.
lekin agar ye khoon tapak hi raha tha toh mere aane pehle se seat par gir jaana chaahiye tha lekin baithte waqt maine seat par kuch nahi dekha tha.
Ho sakta hai koi mere train me chadne se pehle hi iss station par chadha baitha hoga aur train aate hi chadh gaya hoga. Iss bag ko dekhne se lag raha tha koi baaki baigon ko hatakar yahan jagah banaane ki koshish me baigon ko idhar udhar dhakka lagakar jaise taise jagah banaana chahta tha. bag andar thooste waqt andar ke polybag me koi suraakh ho gaya hoga aur aas paas ke baigon se dabte rehne se khoon pehle ek jagah jama hona shuru hua hoga aur phir ek jagah ikathha hone ke baad phir ye neeche aake tapakne laga hoga.
Ye train do ghante pehle jo iska shuruaati station Khasi tha vahan se safar karna shuru karti hai vahan se yahan iss chote se station par rukne ke beech ye kahin nahi ruki thi. abhi ye pehla chota sa station tha jahan woh ruki thi.
Agar woh surakh tab hogaya hota kyunki tab hi sab yaatri chade the aur tab kisi ne ye rakha hota toh ab tak khoob saara khoon beh huka hota aur mamla police tak bhi pahunch chuka hota.
iska matlab zaroor koi mere se pehle iss station par train ke aane ka interzaar kar raha hoga aur jab tak woh iss me apna bag laga raha hoga tab tak train ne horn laga diya hoga aur jaldbaazi me usme suraakh ho gaya hoga
plateform par jab tak main apna trolly bag lekar pahuncha tha vaise hi train ne horn diya tha aur jab main train me chadh raha tha toh iss dabbe me ek bhi darwaza khula hua nahi tha. kyunki raat ke safar me sab log sleeper class me trains ke gate band kar diya karte hain aur jab main dabbe ka ek gate kholkar andar aa raha tha tab maine kisi ko bhi mere ghusne se pehle bahar utarte hue nahi dekha
lekin ek vyakti mere aate hi toilet me chala gaya tha ye mujhe yaad tha.
mere saamne ki ek seat khaali bhi padi thi kaheen woh mere saamne ki seat waale ka bag nahi tha jo abhi abhi mere se pehle toilet ke andar gaya tha aur abhi mere saamne aake baithne waala tha.
shayad yahi woh aadmi hoga jo yahan iss bag ke saath aaya hoga
yahan maine ab tak uss khoon ke lage dhabbe ko pooch diya tha apne roomal se taki agar woh aaye toh usko aise na lage ki maine usko pakad liya hai. maine woh khoon poocha aur roomal bahar fhenk diya
yahi woh aadmi hoga jisne kisi ko mara hoga aur uski laash ko yahan lawarish chodkar bhaag jaane ki soch raha hoga.
lekin mere aate hi mujhko dekhkar toilet me chala gaya hoga lekin woh mere aane ke baad hi turant neeche kyun nahi utarkar chala gaya kyunki usne mask laga rakha tha aur usko maine dekha bhi nahi tha.
kaheen woh sirf ek normal passenger toh nahi jo sachme toilet karne ke liye utha ho aur asli kaatil isi andhere me inn logon ke beech sone ka drama kar raha ho.
ho sakta hai woh inme sleeper waali birth par andhere me lete hue inn logon me se ho jo mujhe iss waqt dekh raha ho. mere itna sab sochte sochte ek awaaz hui.
Toilet Door Unlocks
