{In this story, the author has omitted the real names to be restricted from Publicly Identity Revealing legal issues. This story is recommended for all those who prefers to travel at night and not for those who actually travels at night. Reader discretion advised. The reader will read at its own responsibility.}
Part I out of V
2:01 AM
maine ghadi dekhi.
ye woh waqt tha jab online ticket lene ki suvidha nahi hoti thi.
woh train Khasi se hi chalni shuru hoti thi joki yahan se do ghante pehle tha.
main train ko lekar waise bhi late ho chuka tha aur ab toh halki baarish me ye trolly bag dhona bhi mushkil ho raha tha.
lekin jaise taise main Vagni station pahunch gaya tha.
ye station kaafi chota tha.
isilye yahan par sirf chaar trains hi ruka karti thi
pehli do trains din ke 9:45 aur 3:20 ko rukti thi.
ek train raat ke 11:00 ko aur aakhri train raat ke 1:55 ko ruka karti thi.
plateform par ek station master ka office hota tha jise ab marammat ki zaroorat padne lagi thi
chote sa ticket counter hota tha jahan par ek bada sa board train ke aane jaane ka laga rehta tha.
jahan mai khada tha vahan ek peeli peeli roshni ek puraane holder me latakte bulb se aa rahi thi jiske switch par ab ab tak makdiyon ke jaal ne use aur puraana aur dhundhla bana diya tha.
vahee roshni bulb se ticket counter tak aur plateform ki pehli bench tak pahunch rahi thi. jisse chipka hua station master ka office tha jise yahan se dekha nahi ja sakta tha.
pehli bench ke baad kewal andhera aur aasman se girta paani tha jise aaspaas ki hawa se hilte ped aur ghabraahat paida kar dene wala bana rahe the.
plate form par thodi door tak kul do benches bhi padi thi lekin ab woh bhi baithne layak nahi reh gayi thi. railway line ke dono taraf jungle aur soonsaan ilaaka tha.
line ke iss taraf jahan plateform tha uska main fatak jahan mai khada tha use chondkar agar daayein aur baayein jaaya jaaye toh ek ghana jungle padta tha.
dar asal ye railway line ek jungle me thi
isiliye railway line aur plateform ki jagah agar chod dein toh sab taraf hara bhara jungle hi tha.
kaabhi kaabhi koi jaanvar train ke neeche aakar maara jata raha hoga isiliye yahan se guzarne wali traino ki sankhya kam kar di gayi thi.
ye aakhri train thi jo yahan ruk kar guzarne wali thi.
meghalaya ek jagah hain jahan duniya me sabse zyada baarish hoti hai. saal ke barah mahino me se dus maheene yahan mausam barasta hai yahan dhoop bahut kam nikalti hai aur yahan jheelein jungle aur jharne bahut hote hain
woh aakhri train isi meghalaya ke ek station se aa rahi thi aur jiska pehla stop yahan par tha.
main jab tak plateform par pahuncha tha tab tak train aa chuki thi aur horn de rahi thi. mere pas ek trolly bag tha jo mai le ja rha tha. horn ki awaaz se jaldi jaldi maine apna woh bag kheecha aur sleeper class ka ticket liya. train tab tak chal chuki thi . mai jaise taise chalti train par woh bhaari bag lekar ek gate se andar chadh gaya.
raat ka waqt tha aur train ka coach sleeper class ka. jo bhi yaatri the woh ya toh gehri neend me so rahe the ya aankhe band kare lete hue the. koi iss plate form par nahi utra tha. uss coach me sannate aur wahi halki peele bulb ki roshni jo chadte waqt gate laga rehta hai, ke alava sirf andhera pasra tha.
uss boghi me aane jaane ke chaar darwaze the. do the jo plate form ki taraf khulte the. ek dabbe ke iss kone me jahan se main abhi andar ghusa tha aur doosa uss kone me.
baaki do darwaze bhi isi jagah par the lekin plateform aur dabbe ke doosri taraf.
do bulb ek coach me sirf utarne chadne waale inhi do darwazon ke raaston me lage hue the.
unki dheeme peeli roshni poori boghi me seaton ke pass jaane wale raste ko milkar adha adha raasta dekhne bhar ke liye roshan kar rahi thi. lekin koi bhi roshni sleeping birth me nahi pahunch rahi thi toh wahan abhi bhi andhera tha isliye koi so raha hai ya jaag rha hai ye kehna mushkil tha.
usi sleeping birth wali seat ke saamne do seats hoti thi dono ek doosre ke saamne aur window ke pass. unke upar saaman rakhne ki jagah bani hoti thi.
maine apna bag upar rakhna tha lekin mere theek sir ke upar kisi aur ka bag rakha hua tha isiliye maine jo mere saamne jiski seat thi uske theek upar rakh diya. Aur neeche apni window seat par baith gaya. khidki ke bahar sirf andhera aur jungle tha. train chal chuki thi isliye maine apna phone nikalne ke liye jeb me haath dala lekin kuch nahi mila. aur milta bhi kaise main apna phone ghar par jo bhi bhool aaya tha. isilye shaant hone ke liye ek lambi sans bharkar chhodi aur bahar dekhne laga. ki tabhi woh hua jiski koi kalpana bhi nahi kar sakta tha.
mere haath par
ek laal rang ki boond
upar se
neeche giri.
Part II out of V…out
