{In this story, the author has omitted the real names to be restricted from Publicly Identity Revealing legal issues. This story is recommended for all those who prefers to travel at night and not for those who actually travels at night. Reader discretion advised. The reader will read at its own responsibility.}
Part III out of V
Bahar gehri ho rahi thi.
Train abhi bhi chal rahi thi
Lekin baarish bahar ab aur badh chuki thi
aur badalon ke garajne ki aawaz train ke chalne ki awaaz ko cheerti hui kaano mein pad rahi thi.
bahar chal rahi hawa apne saath ab paani ki choti choti boondein bhi apne saath bahate hue laane lagi thi
maine window turant band kardi ki tabhi toilet door khulne ki awaz hui
woh aadmi ne toilet me mask nikalkar bahar meri taraf toilet kholte hi dekha. maine uske saamne apne chehre par kuch bhi esa jhalakne nahi diya jisse use kuch bhi gadbad lage.
woh aadmi theek mere saamne waali seat par aake baith gaya chupchaap. uske chehre par na koi chinta thi na hi koi vichitra haav bhaaav. usne mere saamne wali seat par aakar ek jhalak bhar ke liye mujhe dekha. Phir apni khidki ke bahar hawa ke saath aati baarish ko dekhne laga.
uske chehre par koi bhi dar wagera nahi tha isiliye haav bhaav se uspar shaq karna lagbhag asambhav tha.
Ab mera shaq andhere me birth par pade musafiron par bhi tha aur iss sandigdh aadmi par bhi.
thodi der baad main uthkar khada ho gaya. main bas usse door hatkar jaana chahta tha kyunki vahan par rehna mujhe jokhim bhara lag raha tha. Isiliye main train ke usi gate par aakar khada ho gya jahan se main train me chadha tha.
main yahi soch raha tha ki agar mai isi dabbe me lage emergency wire pull karta hoon aur train rukti hai toh aisi raat me woh mujhpar hamla karke isi andhere jungle me bhaag sakta hai aur agar doosre dabbe me jaakar wire pull karta hoon toh ye ya jo koi bhi hoga woh awaaz sunkar waise hi bhag jayega aur jab tak police aayegi tab tak ek hatyara bach sakta hai.
Police mujhe bhi apraadhi thehra sakti thi kyunki meri ungliyon ke nishaan uss bag ko choone ke dauraan uspar lag chuke the.
tabhi train ek anjaan jagah rukti hai.
us smaay trains aksar iss tarah ruk jaaya karti thi.
main gate ke pass khada hi tha aur emergency ki baat soch hi raha tha ki tabhi ye aadmi vahan usi raaste par jahan se yaatri chadte utarte hain, wahan aakar theher jata hai.
“kya meghalaya mein ….roz…. isi tarah baarish hoti rehti hai?” usne mujhse train ke gate ke bahar baarish ko dekhte hue poocha.
“han ye ilaka pahadon ke kareeb hai. isiliye baarish baaki jagahon se yahan zyada hoti hai.” maine thoda sambhalte hue aur apni hadbadaahat ko apne andar dabaakar kaha.
Train itni der mein dobara chal di thi.
trainon ka beech raaste me iss tarah rukna aur phir 1–2 second me turant chal dena mujhe ajeeb lagta tha. Khair…
itni baat sunkar aur train ko chalta dekhkar woh vahan se vapas andar chala gaya aur shayad apni seat par jaakar baith gaya hoga.
maine aur usko iss baat ki bhanak nahi lage ki uss aadmi me mujhe koi gadbad dikhti hai.
iss tarah iss jagah ke baare me ye sawal karna use koi iss jagah se kaheen bahar ka vyakti bata raha tha.
mujhe ab yakeen hone laga tha ki yahi woh aadmi hai jiska woh bag hai aur isine kisi murdey ko apne bag me bhara hai.
ab agla station ek ghante baad tha jahan train ko phir ek baar rukna tha.
agli boond girne me abhi kuch der thi
isilye main wahan jaakar baith gaya
woh mere aate hi thoda sehem gaya aur mujhe dar bhari aankhon se dekhne laga . maine usse uske baare me poochna chaha lekin usne uska koi bhi jawaab seedha nahi diya.
usne apna naam sanjay batate hue kaha ki woh ek employee hai aur transportation company me kaam karta hai aur abhi ghar jaa rha hai. woh Khasi station se aa raha tha aur use Manga station utarna tha jo abhi iss aane waale station Jami ke baad wala station tha.
maine socha utarna toh isko pehle kisi kaheen bhi tha lekin uatar nahi paya.
Usne har cheezen bilkul saafayi se batayi thi. uspar ab shaq karna mushkil ho raha tha. train idhar aane wale station par rukne waali thi.
main phir gate par jakar khada ho gya jisse ye dekh sakoon ki koi aur iss station par utarne wala hai ya nahi.
train dheere dheere plateform ki taraf badh rahi thi.
ye station bhi ek chota station tha. jahan tak pahunchte pahunchte raat gehri aur baarish halki ho gayi thi jaisi tab thi jab mai uss station ke plateform par aya. saamne do teen benchein , do teen lights , purana ticket counter aur station master ka office. baaki jagah andhera aur jhaad ped. office mein thodi bahut halchal thi. lekin iss train ke doosri taraf wale plateform par koi halchal nahi thi aur na hi koi yatri yahan itni raat ko mauzood tha.
train poori tarah rukne se pehle hi train se uss par kisi ke tez tez chalne ki awaaz sannate mein patriyon par pade pathharon se saaf saaf aani lagi. main samajh chuka tha. jiska dar tha wohi hua. woh iss baar doosre do gateon me se ek se nikalkar bhag raha tha. main turant train ke uss paar neeche utra aur uska peecha karte karte patriyon se hote hue plateform par aa gaya.
Main bhi use pakadne ke chakkar se neche utra tha lekin train chal di aur main yahan iss sunsaan station par reh gaya lekin mujhe usko pakadna hoga kyunki sirf mai hi usko pehchanta hoon.
station master ne usse apna naam aur baaki details ticket list me check karne ke chalte baatane ko kaha.
Usne Bataya, Uska naam sanjay hai, woh is train ke sabse pehle station khasi se jami station apna ek samaan transport karne ja raha hai, uski seat number 44, D4 Sleeper class me booking thi.
.
.
.
2 Days Later
Meghalaya se chalne wali ek train ki ek boghi me do baigon me do murdon ke tukde paaye gaye hain.
Police investigation me ek station master ne do vyaktiyon ka zikar kiya hai lekin uske baad bhi police kisi nateeje par nahi pahunchi hai aur unn do vyaktiyon ki bhi abhi tak koi jaankari nahi mili hai.
Jab ye cheez akhbaar me nikli aur kisi raat me aise hi kisi ek chalti train me padhi ja rahi thi toh ek aadmi jo birth par leta hua tha woh bolta hai
“ye kahaani poori nahi aadhi hai”
Part IV out of V… out
