{In this story, the author has omitted the real names to be restricted from Publicly Identity Revealing legal issues. This story is recommended for all those who prefers to travel at night and not for those who actually travels at night. Reader discretion advised. The reader will read at its own responsibility.}
Part IV out of V
Train ek chote se station par rukne waali hai
Aur dheere-dheere uss station par aakar ruk jaati hai.
Raat ke andhere me jab kewal thodi bahut peeli peeli si roshni hi train me faail rahi thi. uss samay mai mere saamne apni window seat par baithe hue ek insaan ko mask lagakar kisi se phone par baat karta hua dekhta hoon.
“Poochtaach me ab koi unhe suraakh nahi milega”
“Ab kaheen dikkat nahi hogi”
“Sab sambhal lena”
“Haan main Jami pahunchne wala hoon”
Ab tak uski awaaz ke saath barish ki awaaz aani shuru ho jati hai
Idhar train raat ke andhere me horn deti hai aur phirse dheere dheere uss station se aage chalne lagti hai.
Itna bolkar woh baitha hua aadmi phone kaat-ta hai, uth-ta hai aur uth-kar toilet ki taraf chala jata hai.
tabhi toilet unlock aur phir lock hone ki awaz aati aur isi beech ek aadmi lagbhag bhaagte hue aakar, idhar udhar dekhkar, uske pichle wale aadmi ke seat ke paas aakar khada ho jata hai jahan unn bulbs ki roshni, paani barasne ki aawaz aur hawa keval halki halki si hi pahunch rahi thi.
Usne upar dekha aur shayad ye andaaza lagaaya ki uss seat ke upar kisi ka bag tha iska matlab tha koi vahan baitha hai.
Woh uska bag uss seat ke theek saamne wali seat ke theek upar khiska deta hai aur apna bag ,jahan woh khada tha, uss seat ke theek upar uss choti se jagah me thoos thooskar andar dabaakar rakhne ki koshish karne lagta hai. woh zor lagakar jaise taise apna trolly bag uss jagah aadhe se zyada fit kar deta hai.
aas-pass kisi ke na jage hone ka ehsaas na hone par.
aur plateform ke khidki bahar train chalne ko dekhkar jaldi jaldi chupchap wahan se lag bhag bhaagne ke iraade se jaane lagta hai lekin achanak se kisi baat ko sochkar waheen theher jata hai.
Uske chehre ke haav bhaav se esa lag rha tha jaise use koi baat yaad aa gayi ho. woh maathe par haath rakhkar usske saamne wali seat par, jo seat ke upar usne bag khiskaaya tha, uske neeche baith jata hai. aur toilet ki taraf mudkar dekhta hai. phir khidki ke bahar dekhta hai.
woh apni pant wagera check karta hai lekin use kuch nahi milta hai. Ab tak uske chehre par gussa aa chuka tha.
woh gusse me apne dono haanthon ko maathe par rakhkar baith jata hai.
uske haav bhaav se ye andaaza lagata mushkil nahi tha ki kuch toh esa tha jo shayad woh bhool aaya hai.
Itne me woh hota hai jiska mujhe ya shyad use bhi koi andaaza nahi tha.
Uske sir par ek boond girti hai.
woh apna ek haath apne sir ke upar le jata hai. aur dekhne ne koshish karta hai ki abhi abhi uske sir par kya gira hai.
use apne haath me aur mujhe upar bag se tapkta ek hi daag dikhta hai…
Khoon ka.
Woh uthkar khada ho jata hai aur upar bag ko dekhkar use tatolta hai.
Ye esa waqt tha jab poore dabbe me pasra sannaata aur gehra ho gaya ho aur train ke aur barish ki awaz ke siva koi aur awaaz aane ki sabse zyada zaroorat mehsoos ho rahi thi.
kabhi woh shaqs us bag ko dekhta, kabhi apne samne wali seat ko
kabhi aas paas toh kabhi toilet ki taraf.
waqt ne mano apni chal dheemi kardi ho.
Jaise kisi ne achanak kuch esa mehsoos kiya ho jiska ehsaas pehle kabhi nah hua ho.
Lekin achanak kuch der vaisa hi khada rehne ke baad pata nahi kyu usne apna rumaal nikal aur upar bag me jhlakta laga woh dhabba pochkar rumaal train ke bahar phenk diya. Aur chupchap usi seat par phirse baith gaya.
Ab woh aadmi thodi der takhalki si muskurat hothon par liye bahar dekhta raha. woh ab utna bechain nahi lag raha tha. aur phir usne window band kar di ki tabhi…
Toilet ka door unlock hone ki aawaz uss andhere aur sannate ko cheerti hui aayi aur toilet se aati roshni aur darwaze ke band hone ke baad ruk gayi.
uss vyakti ke muh par iss bar koi mask nahi tha aur tabhi woh ussi aadmi ke saamne aaya aur aakar pehle wali apni seat par aakar baith gaya.
Dono ne ek pal ek doosre do dekha aur phir jo abhi aaya tha, woh apni seat par baith gaya aur bahar dekhne laga. Jaise use saamne waale se koi lena dena hi nahi hai. Kisi ne koi utsukta nahi jatayi.
Train ki raftaar dheemi hone lagi.
Ke tabhi jisne khidki band ki thi woh wahan se uthkar chala gaya.
Idhar Kuch 2–3 minute baad khidki se bahar dekhte dekhte achanak uske haath par upar se ek boond giri.
Use ye samajhte der nahi lagi ki ye khoon hai aur mujhe ye samajhte der nahi lagi ki ek aur bag se abhi abhi khooni ki boond tapki hai.
Cheezein ab ajeeb se darawni aur ghinauni hone lagi.
Woh aadmi dar gaya.
woh utha aur usne dekha ki ye wala bag kiska hai.
Usko pata chal gaya kisi ne uska bag kisi aur ne udhar sarka diya hai.
Usko pata nahi phir kya soojha…
Usne turant apni jeb se rumaal nikaala aur bag ke theek neeche bane uss khoon ke gol dhabbe ko pochh diya.
Train ab ruk chuki thi.
Ye apni seat se utha aur shayad ye dekhne ke iraade se wahan se Chadne utarne wale gate ki taraf chala gaya ki kaheen woh jo gate ki taraf aaya tha woh vahan hai ki nahi.
Train uss time beech beech me thode seconds rukar phir chalne lagti thi.
Train rukne ke turant baad hi chalne lagi.
Iss dauraan udhar gate se kuch baat cheet hone ki awaaz bhi aayi.
woh jo aakhiri me jiss tarah akele gaya tha uski tarah wapas akele aakar apni jagah par baith gaya.
Uske chehre par ab dar chhaane laga tha.
Ye yahan par aakar baitha hi tha ki gate ke paas jaane wala woh aadmi bhi aagaya aur aakar uski taraf nazarein kiye hue hi baith gaya.
Iss bar unn dono kisi kuch baat cheet bhi hui. Aur phir shaanti chaa gayi.
Lagbhag ek ghante tak kisi me koi baat cheet nahi hui.
tab tak train me sannata hi raha. Kabhi kabhi badal garajne ki awaaz uss maun-ta ko todti lekin aur uss khauf ka kuch nahi bigaad pati jo iss waqt poore dabbe me faila hua tha.
Agla station aane se pehle jisne bag khiskaaya tha woh phirse usi gate ki taraf jata hai. Aur itne me mauka paakar ye aadmi peeche train ke rukte hi bina kisi ka intezaar kiye uske jaane ke doori taraf farrate se bahaagta hai aur phir jis taraf woh bhaaga tha uski taraf se train ke do darwazon me se ek ke khulne aur gittiyon ki awaaz aati hai.
Gate ki awaaz itni tez toh thi hi ki idhar doori taraf se woh bag khiskaane wala aadmi bhaagkar usi ke raaste jata hai lekin iss bar udhar train ke doosre darwaaze ke khulne ki aawaz aati hai. Aur uske baad ki kahani ye akhbaar bata raha hai.
“Lekin tumhe ye sab kaise pata aur hum kaise maan le ke jo tumne kaha vahi sach hai” train me akhbaar haath me padke hue vyati ke paas doosri bench par baithe hue ek vyakti ne apna muh upar uthakar poocha.
Part V out of V …out
