淺談信用卡會員推薦計劃MGM -以Citi信用卡為例

StillMoney
Sep 7, 2018 · 7 min read

坦白講,我本人第一次聽其他信用卡優惠同事講MGM乜乜MGM乜乜乜個陣,第一時間係心諗:「嘩!乜信用卡都有同賭場美高梅合作嘅咩?係咪訂酒店房有優惠?定係換賭場泥碼優惠?」過咗好一段時間,先知所謂嘅MGM,原來係Member Get Member,即係信用卡會員推薦計劃… …好啦,廢話講完,入正題啦!(本文更新至2018年9月)

何謂MGM會員推薦計劃?
其實唔少發卡銀行/機構都有MGM會員推薦計劃,好似Citibank花旗銀行、American Express 美國運通同渣打銀行咁。早響兩年幾前,我地討論區仲未禁止「會員推薦計劃」個陣,都經常有人貼條link出來,叫大家幫幫手「撳我條link申請abc卡啦,再用埋我個推薦碼XXX啦,你可以獨家賺到乜乜乜㗎!」,睇到呢度,人們不禁要問,真係咁大隻蛤乸隨街跳?推薦人又可以賺到乜著數呢?

其實MGM會員推薦計劃可以話係一個「一家便宜兩家著」嘅計劃,事關好多時候推薦人同被推薦人同樣可以賺到一啲額外獎賞,有別於好多信用卡迎新優惠,會要求你簽賬滿指定金額先換到禮品,好多時MGM會員推薦計劃都唔使簽賬,只要被推薦人成功出到卡啦,雙方都可以賺到獎賞,真正做到「零成本」「無本生利」賺獎賞!今次就以今期流行嘅Citi 花旗銀行MGM會員推薦計劃同大家講解講解啦!

實例講解:Citi 花旗銀行MGM會員推薦計劃 (按此立即申請

今次個Citi 花旗銀行MGM會員推薦計劃由即日起做到11月30日,本身有Citi信用卡嘅朋友只要完成3個步驟,成功推薦親友(必須係新客戶,即係響過去12個月內無持有任何Citi信用卡)響網上經指定連結申請指定6款Citi信用卡並確認新卡同啟動新卡,就可以免費得到最多10套國泰來回台北機票*同$8,000現金回贈!(我本人打過電話問CS,佢話機票係可以轉讓,但要跟足機票供應商全旅達國際旅遊有限公司手續!)

*機票未包機場稅、燃油附加費、機場建設稅及有關服務供應商手續費。合資格推薦人需於明年4月30日或之前兌換機票獎賞。

Citi 花旗銀行MGM會員推薦計劃 獎賞詳情

現有Citi信用卡持有人(推薦人)獎賞:

  1. 成功推薦1至3位朋友,每成功推薦一位就有$300現金回贈!(換言之最多有$900)
  2. 成功推薦4至8位朋友,就有1套國泰來回台北機票!(無論4位定8位都只係得一套!)
  3. 成功推薦9位或以上朋友,就有10套國泰來回台北機票同$8,000現金回贈!

以上嘅回贈唔可以累積,舉例:成功推薦4至8位朋友,只係得1套來回台北機票,無得賺埋之前(成功推薦1至3位朋友)嘅$900現金回贈!

被推薦的新客戶獎賞:

各張信用卡嘅基本迎新獎賞,另加$100現金回贈。

舉例:你申請Citi Cash Back卡,就可以賺(基本迎新獎賞)高達$1200嘅現金回贈,再另加(額外被推薦獎賞)$100現金回贈。

*以上所有嘅獎賞,現金回贈會直接響明年2月28日或之前入落信用卡度,而機票就會通過電郵發個領取通知畀推薦人去拎!

Citi 花旗銀行MGM會員推薦計劃 指定6款Citi信用卡

推薦人必須本身係Citi信用卡之基本卡持卡人;而被推薦人就要申請以下呢6張卡:

Citi Rewards Visa 信用卡

經HongKongCard獨立申請(非MGM計劃)

Citi Cash Back 信用卡

經HongKongCard獨立申請(非MGM計劃)

Citi 八達通信用卡

經HongKongCard獨立申請(非MGM計劃)

Citi Clear Card 信用卡

經HongKongCard獨立申請(非MGM計劃)

Citi Prestige 信用卡

經HongKongCard獨立申請(非MGM計劃)

Citi PremierMiles 信用卡

經HongKongCard獨立申請(非MGM計劃)

有人可能會諗到條「妙計」:自己先申請晒6張卡,再搵多個被推薦人申請晒6張卡,咁咪夠食晒啲獎賞囉?Sorry!呢個方法係唔得㗎,因為今次計劃係唔接受「自我推薦」;而每位被推薦人響整個推廣期內,只可以被推薦一次!

*無論申請邊張卡都好,被推薦人一定要響今年12月21日或之前獲批卡,再響發新卡後1個月內成功啟動新卡啦,先算係合資格申請!

Citi 花旗銀行MGM會員推薦計劃3個步驟

1. 推薦人先分享推薦連結網頁畀親友 (按此轉到推薦連結網頁

2. 親友登入連結網頁提交申請。(申請表內記得!記得!填寫推薦人參考編號或信用卡號碼!*)

3. 成功批核及啟動新卡後,雙方都可以賺取獎賞!

*Citi 響8月1日起已經向客戶email或sms內列明「推薦人參考編號」,無都唔緊要用信用卡號碼都得!

Citi 花旗銀行MGM會員推薦計劃 溫馨提示

老老實實,畀我揀,今次計劃最好一係就推薦到1至3個人,咁就可以穩袋位位$300現金回贈;唔係就一次過推爆9個人或以上,咁就可以賺到10套國泰航空來回台北經濟艙機票同$8,000現金回贈!你可能會問:「點解要多過9個人呢?」事關總有些人會因為種種原因出唔到卡,咁到時候,你得個梗頸8,10張機票再加8千蚊變到得番1張機票就無謂啦,係咪先?

仲有呀!被推薦人一定要記得!記得!記得!要經指定連結申請按此轉到推薦連結網頁)同填清楚推薦人參考編號或16位數字信用卡號碼,仲要預鬆少少時間,事關銀行審批信用卡需時,仲要記得,收到卡之後,一定要響一個月之內啟動佢!咁就真係功德無量「一家便宜兩家著」啦!

想獨立申請Citi信用卡

如果發現原來自己真係無咁多朋友啦,但又想申請其他Citi卡的話,就睇埋以下Citi信用卡嘅申請連結啦!當中經HongKongCard申請Citi Rewards Visa 信用卡(額外送$100 百佳超市禮券)同Citi Cash Back 信用卡(可享高達HK$1,200 現金回贈及額外獲贈樂事會名酒一支)!

Citi Rewards Visa 信用卡

按此經HongKongCard申請

Citi Cash Back 信用卡

按此經HongKongCard申請

Citi 八達通信用卡

按此經HongKongCard申請

Citi Clear Card信用卡

按此經HongKongCard申請

Citi Prestige 信用卡

按此經HongKongCard申請

Citi PremierMiles 信用卡

按此經HongKongCard申請

*以上資料僅供參考,如有爭議,一切以銀行最終決定為準!

Welcome to a place where words matter. On Medium, smart voices and original ideas take center stage - with no ads in sight. Watch
Follow all the topics you care about, and we’ll deliver the best stories for you to your homepage and inbox. Explore
Get unlimited access to the best stories on Medium — and support writers while you’re at it. Just $5/month. Upgrade