【網購 外遊 訂酒店 必睇】 邊張卡唔收跨境港幣交易手續費?

StillMoney
Sep 3, 2018 · 5 min read

呢篇文章唔單止適合好鍾意網購、網上訂酒店同響海外消費嘅朋友,仲啱用緊Mileslife嘅朋友睇,事關跨境港幣交易手續費(Fee for Cross-border Transactions in Hong Kong Currency)同狡猾的花貓一樣,老是常出現的。

跨境港幣交易手續費幾時出現?

到底跨境港幣交易手續費(Fee for Cross-border Transactions in Hong Kong Currency)幾時先會出現嘅呢?簡單而言,基本上情況有兩個:

  1. 你消費個間商戶係「海外註冊商戶」,而響埋單個陣係用「港幣」找數。最常見例子就係網購同埋旅遊預訂酒店網站。
  2. 響外地消費,你揀咗(或商戶選擇)唔用當地貨幣找數,而選擇咗用「港幣」找數。

一般而言,一係就唔收你錢,一係就大約收你每筆交易1%手續費,有部份銀行就話呢個收費係Visa或Mastercard向銀行收取。(睇到呢度,人們不禁要問:咁以後用銀聯咪得囉?理論上係可以咁理解嘅,不過銀聯匯率就相對無咁抵啦!)
小編搵到一份富邦銀行響2015年嘅公告,當中所指嘅1% Fee relating to Settling Foreign Currency Transaction in Hong Kong Dollars其實可以理解為「跨境港幣交易手續費」,有興趣可以睇睇:富邦銀行公告

針對跨境港幣交易手續費,有何解決方法?

簡單而言,方法有三:

  1. 如果你響外地消費的話,就非常簡單,記得埋單個陣大大聲同店員講,「唔好用港幣收我錢呀!」(請自行google translate返當地語言!:)
  2. 如果係網購緊或者訂機票酒店間個陣,就要首先google問網友,或者去我地討論區問下各位信用卡達人,確認下間商戶係咪「海外註冊商戶」;(有會員超級好人,一直有update一份海外註冊商戶清單,有興趣可以睇睇:海外註冊商戶列表);
  3. 間野係「海外註冊商戶」的話,咁就要做個精明消費者啦,就係用一張唔收跨境港幣交易手續費嘅信用卡!

信用卡跨境港幣交易手續費一覽表

其實大家每逢申請信用卡個陣,銀行都會送份「信用卡服務收費一覽表」畀你睇(無錯,就係好多字,好多人睇都唔睇就送佢去堆填區個份!),申請Visa同Mastercard嘅朋友就要特別留意一下「 外幣交易及跨境港幣交易收費」、「以港幣支付外幣簽賬的有關費用」或者「在香港以外地區以港幣簽賬的費用」等等字眼嘅呢幾欄,會寫明張卡會唔會收跨境港幣交易手續費!下表僅列部份銀行收費:

講到呢度,係咪驚覺原來有唔少銀行都有收跨境港幣交易手續費呢?唔使驚嘅,只要識得申請一張唔收手續費嘅信用卡,咁以後網購、外遊或訂酒店個陣,就唔使查來查去佢係咪香港註冊公司,又或者驚佢用港元找數,信用卡無啦啦收你1%啦!
*順帶一提,星展DBS雖然唔收跨境港幣交易手續費,但寫明「香港以外的銷售點(就網上交易而言,指商戶的登記及/或結算所在地)所進行的港幣交易,並不計算為合資格簽賬或外幣零售簽賬」,一句到尾,即係你唔會有積分賺!

以下精選咗幾張唔收跨境港幣交易手續費嘅信用卡:

立即按此申請滙豐Visa Signature卡

立即按此申請滙豐白金Visa卡

立即按此申請Citi Rewards

立即按此申請Citi Cash Back Card

立即按此申請美國運通 I.T Cashback卡

Mileslife為何收跨境港幣交易手續費?

最後講返Mileslife 啦,佢響8月中正式登陸香港,先推額外4倍里數,又送100萬英航里數Avios咁,唔少人都好開心,事關又多一個途徑可以一簽兩賺,賺完信用卡積分,又可以賺埋航空公司嘅飛行里數(重溫Mileslife 創辦人訪問文章)。不過隨住信用卡翻月結單啦,有部份人就唔多開心,事關發現原來用Mileslife 個App找數係會收跨境港幣交易手續費。

其實呢個問題早響4月個陣,Mileslife仲未正式強勢登陸香港之際,有會員已經響討論區提過「響香港食飯用Mileslife俾錢收咗overseas transaction fee」。事關Mileslife嘅收款註冊地係SG,亦即係新加坡,亦即係「海外註冊商戶」,亦即係部份卡會收你收跨境港幣交易手續費!所以,以後要記得用唔收跨境港幣交易手續費嘅信用卡啦!

*最後提提大家,以上資料僅供參考,如有爭議,一切以銀行最終決定為準(本文更新至2018年8月31日)

Welcome to a place where words matter. On Medium, smart voices and original ideas take center stage - with no ads in sight. Watch
Follow all the topics you care about, and we’ll deliver the best stories for you to your homepage and inbox. Explore
Get unlimited access to the best stories on Medium — and support writers while you’re at it. Just $5/month. Upgrade