2018 信用卡 中秋 月餅 優惠 純價格 比較
雙黃蓮蓉月餅、雙黃白蓮蓉月餅、五仁月餅、奶黃月餅,仲有冰皮月餅同雪糕月餅,家陣啲月餅款式多到呢,搞到你想用信用卡買月餅個陣,都唔知邊個優惠先係最抵!如果你有呢個煩惱,呢篇文章就啱晒你睇啦!

事先聲明,呢篇文並唔係同你講邊隻月餅好好味呀或者大件夾抵食,亦唔會提啲乜乜員工優惠同乜乜公司忽然大減價益你爸媽Bilibala,我地今次純講信用卡同月餅供應商嘅優惠,剩係會以價錢做比較嘅啫!
今次將月餅分成9大類:雙黃蓮蓉月餅、雙黃白蓮蓉月餅、五仁月餅、奶黃月餅 (6個裝)、奶黃月餅 (8個裝)、冰皮月餅(冰皮官燕月餅)、冰皮月餅(經典及水果類)、冰皮月餅(榴槤)同雪糕月餅,再逐一比較下啲信用卡優惠價錢!先由最傳統嘅月餅講起:
雙黃蓮蓉月餅 (4個裝)

當中最抵,算係MASTERCARD聯同聖安娜嘅優惠,原價$325做緊53折,圍返都係約$172.25一盒,但優惠至9月9日,之後就要$175.5先有啦!而大家樂同星展嘅優惠,表面上$183貴咗少少,但送返$20大家樂現金券畀你,夠你食半餐晏㗎啦!*用滙豐信用卡響星期五、六及日買仲有額外95折,優惠只係至9月16日!
雙黃白蓮蓉月餅 (4個裝)

想買雙黃白蓮蓉月餅的話,最抵依然係MASTERCARD聯同聖安娜嘅優惠,原價$345做緊53折,圍返都係$182.85一盒,優惠同樣做到9月9日,之後就要$186.3啦!而大家樂同星展嘅優惠,表面上就係$188貴咗少少,但都會送返$20現金券畀你! *用滙豐信用卡響星期五、六及日買仲有額外95折,優惠只係至9月16日!
五仁月餅

五仁月餅被譽為一款「中年過後才懂欣賞的月餅」,最抵買嘅再次係聖安娜同MASTERCARD嘅優惠,4個裝原價$380,9月9日前只需要$201.4啫!但如果你想買6個裝就用滙豐信用卡去美心啦,只需$223.2!*用滙豐信用卡響星期五、六及日買仲有額外95折,優惠只係至9月16日!
奶黃月餅 (6個裝)

奶黃月餅唔止香港人鍾意,就連國內同胞都愛埋一份!東海堂同滙豐做緊6折優惠,原價$282,家陣只需HK$169.2,如果你「撞啱」星期五、六及日仲有額外95折,即係$160.74啫!
奶黃月餅 (8個裝)

8個裝嘅奶黃月餅,最抵真係DBS同大家樂推出嘅優惠,只需$161,圍返一個都係20蚊左右,仲送你一張$10現金券添!*用滙豐信用卡響星期五、六及日買仲有額外95折,優惠只係至9月16日!
冰皮月餅(冰皮官燕月餅)

官燕冰皮月餅而言,恒生同大班個優惠真係屈機,加$1 Cash Dollar就可以多換1盒價值$510嘅6個精裝冰皮尊貴官燕月餅!就算冰皮玲瓏四色伴官燕/玲瓏八星伴官燕月餅(9個裝)都低至55折,原價$385,而家$211就到手啦!
冰皮月餅(經典及水果味)

要淺嚐一下冰皮月餅的話,最抵的話,應該係用MASTERCARD響聖安娜買4個裝芒果誘惑冰皮月餅只需要$71.55;如果有一大班人食就買8個裝啦,同樣係用MASTERCARD響聖安娜買8個裝經典冰皮月餅,有開心果紅豆、芝麻松子、蛋黃綠豆蓉同栗子夏威夷果仁,又或者係水果軟心冰皮月餅有齊芒果軟心、菠蘿椰子軟心、藍莓軟心同楊枝金露軟心,原價$245,53折後都係$129.85一盒。*用滙豐信用卡響星期五、六及日買仲有額外95折,優惠只係至9月16日!
冰皮月餅(榴槤味)

榴槤味月餅優惠分別有4個裝嘅聖安娜、6個裝嘅美心同8個裝嘅大班及九龍香格里拉大酒店,老實講大家各有優惠,真係視乎你要買幾多個裝啦!要淺嚐過下癮的話,就揀用MASTERCARD去聖安娜買啦,100蚊都唔使呀! *用滙豐信用卡響星期五、六及日買仲有額外95折,優惠只係至9月16日!
雪糕月餅

想買雪糕月餅的話,雪糕界霸主Haagen-Dazs真係無得輸,Citi同佢做嘅優惠,各款雪糕月餅低至7折,好似七星明月原價$688,家陣只需$480!法式明月(4個裝)原價$338,家陣就做緊$240!最貴嘅金尊(8個裝)原價$1388,家陣劈價至$1018!
最後等我提多次大家,優惠受條款及細則約束,買之前記得要留意優惠限期,好似滙豐優惠期做到9月16日,而其他普遍就做到9月23至24日!最後最後,如有爭議,一切以銀行及商戶最終決定為準! (本文更新至2018年8月28日)
