Main Dorta Hi Dorta

Main dorta hi dorta

Jungle se basti main gaya

Basti main thinn do bibian

Aik se mujhe roti mili

Aik se mujhe paani mila

Roti ko daala pait main

Paani ko daala khait main

Khait ne jo ghass di

Bakri ko maine baksh di

Bakri se le ke doodh jo,

Maine diya aik shaks ko

Wo tha lakarhaara koi

Aflaas ka maara koi

Tuhfay main dinn kuch lakrian

Unko liye aagay barha

Aagay koi tandoor tha

Jalta na tha bujhta na tha

Tha naan bhai bhi khafa

Tandoor ko lakri mili

Usne mujhe kuch aag di

Wo aag di lohaar ko

Bola mian thehro suno

Aik cheez le lo kaam ki

Kainchi hamaray naam ki

Kainchi jo aik darzi ko di

Uski tou baachhein khill gayin

Usne mujhe chogha diya

Rastay main mullah jee milay

Bolay ye chogha mujhko de

Deta hoon tujhko main kitab

Qissay hain issme lajawab

Mujhko kitaab achi lagi

Wo ja ke abba jee ko di

Iska iwaz uska sila

Akhrot ka jora mila

Danda liya tora unhein

Pathar liya phora unhein

Chaska kahin laalach kahin

Phir ja ker abba jaan ko

Pakra ke mujhko aur de

Jal hi gaye abba mian

Sunni parin malaahian

Do chaar chaptay jo parrin

Joota kahin topi kahin

Main seeri per ja ker baith gaya

Ab din nahi hai raat hai

Itni si meri baat hai

Khatta dahi khatta dahi,

Meri kahani jhoot thi

Kyun jhoot kyun thi wah wah

Sacha tha sab kissa mera

My parents told me this story to send me to sleep. It has a deeper meaning I’m sure of it. If someone understands please talk about it.