ທ່ຽວແບບໄດ້ຄວາມຮູ້ ທ້ອງຟ້າຈຳລອງກຣຸງເທບ

ຜູ່ຂຽນເປັນຄົນນຶ່ງທີ່ມັກຄວາມສວຍງາມຂອງທ້ອງຟ້າທີ່ມີດວງດາວປະດັບ ແລະ ຈັກກະວານ ພໍໄດ້ມາຝຶກງານຢູ່ກຣຸງເທບ ກໍບໍ່ພາດທີ່ຈະຖືໂອກາດນີ້ມາເບິ່ງທ້ອງຟ້າຈຳຮອງຢູ່ ສູນວິທະຍາສາດເພື່ອການສຶກສາ ເຊິ່ງບົດຄວາມນີ້ກໍຈະເປັນການແບ່ງປັນປະສົບການທີ່ໄດ້ຮັບ
ສຳລັບທີ່ຕັ້ງແມ່ນຢູ່ຕາມ ແຜ່ນທີ່ນີ້ເລີຍ ຖ້າໃຜໄດ້ມາກຣຸງເທບກໍລອງມາແວ່ທ່ຽວເບິ່ງ
ຫລັງຈາກອອກຈາກຫໍມາແລ້ວກ່ອນອື່ນກໍຕ້ອງຕື່ມພະລັງກ່ອນ ຄາບນີ້ເປັນເຂົ້າຂາຫມູລາຄາກໍ 40 ບາດໄດ້ຫລາຍກິນຈົນກາຍອີມເລີຍ

ຫລັງຈາກິນເຂົ້າເຊົ້າແລ້ວກໍຍ່າງມາຊື້ປີ້ ລົດໄຟຟ້າ MRT* ເຊິ່ງລົດຈະມີທຸກໆ 6 ນາທີ

ບັນຍາກາດໃນລົດໄຟຟ້າ MRT

ເນື້ອງຈາກວ່າທາງໄປຈຸດຫມາຍເຮົານັ້ນຈະຕ້ອງປ່ຽນສາຍລົດກໍຕ້ອງລົງແລ້ວມາຊື້ປີ້ ແລະ ຖ້າລົດໄຟຟ້າ BTS** ອີກເທື່ອນຶ່ງ

ຫລັງຈາກເດີນທາງໂດຍລວມປະມານ 1 ຊົ່ວໂມງປາຍກໍມາເຖິງແລ້ວ ສູນວິທະຍາສາດເພື່ອການສຶກສາ

ຈາກນັ້ນກໍເຂົ້າມາຊື້ປີ້ ສຳລັບຕາຕາລາງວັນ ເສົາ-ອາທິດ ທ້ອງຟ້າຈຳຮອງຈະມີ 4 ຮອບຄື 11:00, 13:00, 14:00, 16:00 ຕອນທຳອິດຄິດວ່າຈະເບິ່ງຮອບ 11:00 ແຕ່ມາຊ້າໂພດປີ້ຫມົດກ່ອນຍັງເຫລືອແຕ່ 14:00 ຂຶ້ນໄປກໍເລີຍເລືອກ 14:00 ໂມງ
ສຳລັບປີ້ຈະມີຢູ່ 2 ຢ່າງໃຫ້ເລືອກຄື: ແບບນິທັດສະການຈະໃຫ້ເຮົາເຂົ້າເບິ່ງພິພິດຕະພັນດ້ານວິທະຍາສາດ, ແບບທີ່ສອງເປັນການເຂົ້າເບິ່ງທ້ອງຟ້າຈຳຮອງ
ລາຄາປີ້ທັງສອງຈະເທົ່າກັນຄື 30 ບາດ

ພາບບັນຍາກາດການທ່ຽວເບິ່ງນິທັດສະການພິພິດຕະພັນວິທະຍາສາດ
ອາຄານໂລກສວນນ້ຳກໍຈະມີໂດວຂອງປາ ແລະ ປາແທ້ໆໃຫ້ເບິ່ງ ແຕ່ຈະມີບໍ່ຫລາຍຫນ້ອຍດຽວນຶ່ງ

ແຮ່ທາດຕ່າງໆທີ່ຖ້າເບິ່ງຈາກສູດເຄມີແລ້ວ ຫລາຍຄົນຄືຈະຫ້ອງ “ອໍ້” ໂລດ ແລະ ຍັງມີຫີນທີ່ມີຊາກຂອງຫອຍທີ່ມີອາຍຸເຖິງ 280 ລ້ານປີ (ອັນຫຍັງຈະດົນປານນັ້ນ) ຫລື ຈະເປັນໄມ້ທີ່ກາຍເປັນຫີນກໍຫນ້າຕື່ນເຕັ້ນດີ

ຫລືຈະເປັນໂຊນກ່ຽວກັບຍານອາວາກາດກໍມີ

ໂຊນກ່ຽວກັບສິ່ງທີ່ມີຊີວິດກໍມີໂມວຂອງເຜົ່າພັນມະນຸດນຳ

ເມື່ອໃກ້ຈະຮອດເວລາເບິ່ງທ້ອງຟ້າຈຳຮອງແລ້ວກໍຈະມີຄົນປະກາດບອກໃຫ້ເຮົາເຂົ້າຫ້ອງ ສຳລັບການສາຍຈະມີ 2 ສ່ວນຄື:
ສ່ວນທຳອິດ ຜູ່ບັນຍາຍຈະອະທິບາຍເລື່ອງທົ່ວໄປ ຕໍ່ມາກໍຈະອະທິບາຍວິທີການເບິ່ງດາວ ອາທິບາຍກ່ຽວກັບດາວ ແລະ ກຸ່ມດາວຕ່າງໆ. ສ່ວນທີ່ສອງ ຈະເປັນການສາຍວິດີໂອໃຫ້ຄວາມຮູ້ດ້ານວິທະຍາສາດເຊິ່ງມື້ນີ້ເປັນວິດີໂອຫົວຂໍ້ “ກວ່າຈະບິນໄດ້” ທີ່ພາເຮົາໄປຮຽນຮູ້ການສ້າງເຄື່ອງບິນຕັ້ງແຕ່ ອາດິດ-ປັດຈຸບັນ ເລລາໂດຍລວມປະມານທັງຫມົດ 50 ນາທີ່.




ສຳລັບບົດຄວາມນີ້ກໍຈະຂໍຈົບພຽງເທົ່ານີ້ ແຕ່ກໍຍັງມີອີກຫລາຍຢ່າງທີ່ບໍ່ໄດ້ເອົາມາໃສ່ເພາະຍ້ານບົດຄວາມມີຮູບຫລາຍໂພດເຮັດໃຫ້ໃຊ້ເວລາໂຫລດດົນ
ຖ້າຜູ່ໃດຢາກເບິ່ງຮູບທັງຫມົດກໍສາມາດເຂົ້າໄປເບິ່ງໃນ Google Photo ນີ້ ໄດ້ເລີຍ
*MRT : ເປັນລົດໄຟຟ້າໃຕ້ດິນ
**BTS : ເປັນລົດໄຟຟ້າເທິງດິນລອຍຟ້າ
