李聖傑—另一種紅歌唔紅人

近排成日食旺角某間台式野,發現佢經常播啲歌,唔少都係我中學聽開啲台灣歌手唱嘅,有張惠妹、有楊丞琳(btw好易同楊承霖撈亂)、有張雨生,仲好似有唔少李聖傑嘅歌,真係勾返起啲回憶。

李聖傑喺香港好似無乜人識,我問啲同輩,十個有九個都唔識佢。但佢啲歌(嘅翻唱)就街知巷聞,衛蘭嘅「殘酷遊戲」當年個個都唱,但好似無乜人知原版叫「痴心絕對」,更加少人知個歌手叫李聖傑。仲有吳雨霏嘅「明知做戲」(李聖傑「手放開」)

李聖傑聲線有韌力,細而有力。其實唱功真係唔差。老老實實,我覺得好過當年拍偶像劇近年跳屌西舞果啲幾皮。

翻唱喺香港紅,原版歌喺香港唔係好紅,原唱好似無乜人識咁,應該算係另一種紅歌唔紅人。