林子蚊蚊

我已經join 左Now TV 7年以上

每1次續約都要迫簽貴plan.

由三百蚊▶️四百蚊▶️而家既五百蚊

真係貴到離曬大普。

唔係因為有人要睇曼聯, 都唔洗洗埋啲無謂錢。

我join Netflix 先至$78 1個月又或者Disney+都係$70零蚊1個月

你地仲夠膽死COLD Call 黎叫我加埋NOW true 去到$581

Now True 網羅全球各地優質紀實節目,涵蓋的題材多元化,包括人物傳記、藝術文化、商業科技、生活知識及其他觸動人心的故事。提供自選服務及部分4K內容。

續約就要3吹4請先肯俾平少少既plan!

打黎叫我加服務,都未聽得明你講咩就話要對得個人資料做確認。

一間堂堂正正既公司,做生意老實啲好無!

因為What’s app 既私隱條款, 香港人都紛紛大遷徙至MeWe 。

Facebook 跟本就像雞肋般存在。想睇既信息就無, 大數據(?!) 篩選後既廣告就好多(唔知點解係電話搜尋過又或者講過既野,Facebook 就好多同類廣告彈出)⋯⋯⋯

諗深一層跟本天下烏鴉一樣黑, 你又可以避幾多呀。他朝有日都有機會走Facebook 既方向。

雖然我都有跟風開MEWE,之但係我應該唔會搬啲資料。近年已經唔多更新Facebook, 入面有既只係十幾年既歷史,同埋窺探別人生活既一個空間。

而因為避國安法, 中共而去用MeWe,真係避到咩??🙄

– – – – – – – – – – – – – – – – – –

身為醫管局員工, 日日返工。

無cut case,人頭湧湧,仲要日日俾病人問候。

無得WFH,無津貼,無特別工作措施。小朋友就繼續停學,R爆個死人頭都唔知點處理尼個小朋友。

而家醫護確診, 就情緒勒索醫護人員。

你記得你影響既除左有屋企人,同事,仲有病人。 你咪瀨野呀,牽連好大呀!甘樣會害人害物呀!

唔好忘記, 醫局你不斷改指引。唔係確診個案/懷疑確診都唔可以帶N95, level 3 PPE。

林子蚊蚊

林子蚊蚊

育有一子,無無聊聊咩都講下,開心唔開心都share 下⋯