Member-only story
Rightmove 大家就用得多,Mouse Price 又有冇睇?其實佢只係將 Land Registry 中嘅 Transaction Data 轉化成 Heatmap,俾你一眼睇哂邊啲位置係貴區,邊啲只係平區,唔會咁易買錯窮區貴樓。火紅色代表樓價極高,深藍色則代表極平。
由於該網並無清楚定義不同顏色嘅樓價(或者只係我搵唔到) ,按我嘅經驗,10 萬鎊樓下嘅 House 會係藍色,一過左就轉為綠色。20 萬鎊就大約變成黃色,如此類推。
細心觀察的話你可能會發現其中有趣一點:倫敦是核心旺區往外輻射,伯明翰巿、曼城似乎是外圍反而較旺,中心反而較靜。這也帶出一般香港人盲目相信「市中心」概念的問題。
市中心外圍其實並非郊區村落,而是平常住宅區。英國人本來就唔喜歡住市中心,更討厭住高樓大廈。人哋係要清靜得來,有花園可以俾人俾動物走動,咁先係生活。市中心高樓大廈等於值錢其實只係普遍香港人或亞洲人自己不了解本地文化之錯誤觀念。
市中心大廈由於大家買得太高溢價,又有地租 (Ground rent) 又有管理費 (Service charge),焗住開租貴,所以會專搵啲有公司找數嘅租客,即係有乜事即刻隨時離開英國嘅人。但我認為佢地唔會長租得過英國人嘅一般家庭,另外可以長期支持到個離地租價嘅人數都係值得考慮嘅重點之一。
英國樓市其實好透明,如果你肯睇的話。
精明的你,有沒有發現圖中三大投資熱點特別之處?
https://www.mouseprice.com/property-for-sale/map/e14