頂唔順呀葉生係飛卜篇文。大佬，你改才子篇文，改完仲衰過未改。“I kindly invite you all to reflect on the following questions:”真係聽到打冷震，難聽過粗口。
才子篇文講唔上完美，但行文通順，條理分明，真係唔駛葉生指導。睇多次才子篇文後，發覺同林會長篇潮文一樣咁有potential。於是手痕幫才子譯番個潮文版。
戴定頭盔先，如有歧義以才子嘅英文潮文為準！
又，才子原文好乾淨，無粗口的。
才子給英國寄宿學校香港學生的短訊之二 【潮文翻譯版】
是咁的。上次出完俾你地個po之後，有個做開英國升學既friend子同我講話有個記者仔問點睇，叫佢俾d意見咁喎。
妖! 條友個腦都唔知生係邊嘅，講d野都九唔搭八嘅。你地睇下條友寫咩先再講。
個記者仔話我個po講『寄宿學校係培育你成為領袖嘅地方，唔係訓練難民嘅逃生技能』同『寄宿教育既設計係訓練學生成為冷靜沉著，有膊頭唔會有事拋低隊友嘅人』呢兩句說話好諷刺喎。
唔L係呀? 諷刺? 邊L度諷刺? 我係度回應幾句，大家過黎評下理。
第一、我只係陳述番大部份英國寄宿學校本招生章程講嘅野。我講番同招生章程一模一L樣嘅野就叫諷刺，咁問你攞貼士咪打劫你？去英國讀寄宿學校咪叛國?
第二、阿叔講寄宿學校既精粹，佢d問題就199。咁係咪即係阿叔講嘢太深，其實大家都淨係識得睇壹周Book B，當寄宿學校係收得好Q貴嘅高級娛樂場所?
又，定係全部問題都是同一個問題呀? 阿叔講常識講邏輯思維，d唔識嘢既人就成日走黎DL79阿叔政治不正確?
大佬呀，你地老豆老母俾咁Q多錢送你地去外國讀書，都係唔想你地大個嘅時候仲要問埋哂個d19問題呀嘛，吓話? (嗱! 唔好屈9我，阿叔我係絕對絕對唔L會講話去外國讀書係為左『搣甩小農DNA』嘅。宜家呢個時勢，好敏感的，尤其是方丈們仲係度互片要為隻病毒正名)。
好喇，講左咁耐，其實都係想大家和平理性非暴力咁吹下水。阿叔真係好怕你地會走去上街示威叫我跪玻璃再加收番我講過嘅嘢(呢，即係好似岩岩袁大夫個壇野咁)。你知啦，宜家d人一點就著，抽水抽著火水阿叔就真係唔係好想。
總之，阿叔無老點你嘅。返到屋企沖個靚涼打舖『使命召喚』之後就攝高枕頭諗下人生的意義啦。
才子原文
<iframe src=”https://www.facebook.com/plugins/post.php?href=https%3A%2F%2Fwww.facebook.com%2Ftokit.channel%2Fposts%2F3584359421636555&width=500" width=”500" height=”687" style=”border:none;overflow:hidden” scrolling=”no” frameborder=”0" allowTransparency=”true” allow=”encrypted-media”></iframe>