淺談宮廷劇

睇完呢篇忍唔住講吓,其實宮廷劇無問題、攻心計都無問題,但如果套路仍然係舊酒新瓶,然後大批觀眾受落,咁就未免太可惜。因為一日呢類「宮+心計」劇有市場,一日社會都唔會進步。

睇過半集(唔好問我點解唔睇埋落去先評,我唔會晒時間落唔想睇嘅嘢度,有時間唔打機好過?),講貴妃失寵,又係爭取聖寵、又係父權主宰女人一生…… 其實拍攝氣氛格調還算可以,但論信息今時今日嚟講未免太陳腐,有無跟現代接軌啲嘅內容﹖

諗起之前喺朋友(唔記得咗exact 邊個請諒)status見過《延禧》同《環珠格格》比較。我想講雖然兩者都非我杯茶,但《環珠》嘅成功係有道理嘅:起碼有喜感嘅後宮劇係較少見,而且當時嚟講都算比較前衛,有中心思想。兩者相比下,起碼我會覺得《環珠》個設定精靈啲。

呢類劇其實最毒害人心嘅地方,就係你以為「嘩啲人心好黑暗呀,個個都心計算盡好奸」,然後就覺得「咦我再奸嘅奸妃都見識過啦,以後我識得分邊個忠邊個奸」,之後出到現實咪比人倫敦金敦倫金呃晒成副身家囉。因為宮廷劇嘅所謂忠奸,都只係不停加強嘅戲劇效果,現實中嘅「奸人」根本就唔會咁容易比你睇得出忠奸,你又唔會咁啱得咁橋喺屏風後面聽到呀邊個邊個講是非。

所以個人心思複雜啲我覺得唔係壞事,眼高手低壞啲囉,但眼高手低仲有市場就更壞。整個社會品味都向下流,都難怪成街都騎呢怪。

傳統宮廷劇唔會話你知嘅兩件事:

忠言永遠逆耳,同埋係有可能有人呃你一世你都唔會知道真相架,呢啲先係真相。

Wave Shum (白投浪)

Written by

隨想隨寫、短篇小說及影視短評

Welcome to a place where words matter. On Medium, smart voices and original ideas take center stage - with no ads in sight. Watch
Follow all the topics you care about, and we’ll deliver the best stories for you to your homepage and inbox. Explore
Get unlimited access to the best stories on Medium — and support writers while you’re at it. Just $5/month. Upgrade