Говорот на ученичката Гретa Тунберг говор пред генералниот секретар на ОН, Антонио Гутерес

Во текот на последниве 25 години безброј луѓе на климатските конференции на Обединетите нации имаат барано од лидерите на нашите држави да ги спречат емисиите на јаглерод диоксид и другите загадувачи. Но, јасно е дека нивните говори немале ефект, бидејќи емисиите само продолжуваат да растат.

Затоа јас нема да барам ништо.

Наместо тоа, ќе побарам од медиумите да ја третираат кризата како криза.

Наместо тоа, сакам да ги замолам луѓето ширум светот да сфатат дека нашите политички водачи нè изневерија.

Затоа што се соочуваме со егзистенцијална закана и нема време да продолжиме да чекориме по оваа патека на лудилото.

Богатите земји како Шведска секоја година треба да ги намалат емисиите за најмалку 15% за да оствариме затоплување од „само“ 2 степени. Логично е медиумите и сите наши лидери само за тоа да зборуваат — но климатската криза никој никогаш не ја спомнува.

И скоро никој не го спомнува фактот дека сме на сред шестото масовно истребување, бидејќи до 200 видови живот исчезнуваат секој ден.

Понатаму, никој не го спомнува аспектот на изедначување според Парискиот договор, кој е апсолутно неопходен за да видиме резултати на глобално ниво. Ова значи дека луѓето во побогатите земји во рок од 6–12 години треба да дојдат до нулта емисија, за луѓето во посиромашните земји да можат да го зголемат својот стандард со изградба на инфраструктура која ние веќе ја имаме, како болници, електрична енергија и чиста вода за пиење.

Како да очекуваме земји како Индија, Колумбија или Нигерија да се грижат за климатската криза ако ние, кои веќе имаме сè, не ни помислуваме на нашите обврски кон Парискиот договор?

Затоа, кога почна учебната година во август оваа година, јас седнав пред шведскиот парламент. Го бојкотирам училиштето поради климата.

Некои луѓе велат дека наместо тоа, треба да одам на училиште. Некои велат дека треба да учам и да станам научник за да ја „решам климатската криза“. Но климатската криза веќе е решена. Веќе ги имаме сите факти и сите решенија.

И зошто треба да се подготвувам за иднина која наскоро можеби ќе ја снема, бидејќи никој не прави ништо за да ја спаси иднината? И која е смислата во учењето на фактите, кога најважните факти очигледно на општеството не му значат ништо?

Денес ние користиме 100 милиони барели нафта секој ден. Нема политика за промена на тоа. Нема правила за чување на нафтата вземи.

Што значи дека нема да го спасиме светот ако само ги следиме правилата. Правилата мора да се сменат.

Затоа, не дојдовме овде да ги молиме светските лидери да се грижат за нашата иднина. Тие нè игнорираа во минатото и повторно ќе нè игнорираат.

Дојдовме да ве известиме дека настапуваат промени, сакале вие или не. Луѓето се соочуваат со предизвикот, а бидејќи нашите лидери се однесуваат како деца, мораме да ја преземеме одговорноста која тие требаше одамна да ја преземат.

Грета Тунберг

На прес конференцијата во Катовице на 3-ти Декември 2018 Грета Тунберг зборува за нејзината приватна средба со генералниот секретар. Кликни овде за видео.

Горенаведениот текст го напиша Грета Тунберг. Објавен е со одобрение на Грета Тунберг.

Повеќе од Грета Тунберг;

Побуната започна

Оваа 15-годишна девојка за климата го крши шведскиот закон

Грета Тунберг: “Шведска не е пример кој треба да го следиме”

More from Greta Thunberg;
The rebellion has begun
This 15-year-old Girl Breaks Swedish Law for the Climate
Greta Thunberg: “Sweden is not a Role Model”
Greta Thunberg: Our lives are in your hands

This is the original blog post from Greta Thunberg that the above text was translated from. If you want to add a language that is native to you, please send a email to marten@wedonthavetime.org.

Greta’s initiative is best known as #FridaysForFuture. Every Friday we are all invited to join her and people globally in a local strike to mitigate and put the spotlight on the climate crisis. Use the #FridaysForFuture hashtag go get involved and follow Greta on Twitter.

Facts about We Don’t Have Time

We Don’t Have Time is the world’s largest social network for climate action. Together we are the solution to the climate crisis.
But we are running out of time.
Join us: www.wedonthavetime.org.